അർധരാത്രിയിൽ ഗ്യാൻവാപി മസ്ജിദിൽ നാടകീയ നീക്കങ്ങൾ; പള്ളിയുടെ ഇ​രു​മ്പു ഗ്രി​ല്ലു​ക​ൾ തകർത്ത് നിലവറയിൽ വിഗ്രഹം സ്ഥാപിച്ചു: പൂജക്ക് സ്റ്റേ നൽകാൻ വിസമ്മതിച്ച് അലഹബാദ് ഹൈക്കോടതി

ഗ്യാൻവാപി പള്ളിയിൽ ഹിന്ദു വിഭാഗത്തിന് പൂജയ്ക്ക് അനുമതി നൽകിയ വിധി സ്റ്റേ നൽകാൻ അലഹബാദ് ഹൈക്കോടതി വിസമ്മതിച്ചു. ക്രമസമാധാന പാലനം ഉറപ്പാക്കാൻ ഉത്തർപ്രദേശ് സർക്കാരിന് നിർദ്ദേശം നൽകി. ആറാം തിയ്യതി പുതുക്കിയ ഹരജി സമർപ്പിക്കാൻ ഹരജിക്കാരായ പള്ളി അധികൃതർക്ക് കോടതി നിർദേശം നൽകി.

പൂജക്ക് അനുമതി നൽകിയുള്ള കോടതി ഉത്തരവ് വന്ന് മണിക്കൂറുകൾക്കകം ‘വ്യാസ് കാ തെഹ്ഖാന’ എന്നറിയപ്പെടുന്ന നിലവറയിൽ പൂജയും പ്രസാദ വിതരണവും ആരംഭിച്ചിരുന്നു.

1993ൽ അടച്ചുപൂട്ടി മുദ്രവെച്ച തെക്കുഭാഗത്തെ നിലവറ ഒരാഴ്ചക്കകം തുറന്നുകൊടുത്ത് പൂജക്ക് സൗകര്യങ്ങളൊരുക്കാനാണ് വാരാണസി ജില്ല കോടതി വിധിച്ചത്. വാരണാസിയിലെ വേദവ്യാസപീഠ ക്ഷേത്രത്തിലെ മുഖ്യ പൂജാരിയായ ശൈലേന്ദ്ര കുമാര്‍ പാഠക് വ്യാസ് നല്‍കിയ ഹരജിയിലായിരുന്നു പൂജക്ക് അനുമതി ലഭിച്ചത്.

അതേ സമയം ഗ്യാ​ൻ​വാ​പി മ​സ്ജി​ദിന്റെ തെക്കെ നിലവറയിൽ പൂ​ജ​ നടത്താൻ ​രാത്രിയിൽ പള്ളിയുടെ ഇ​രു​മ്പു ഗ്രില്ലുകൾ മുറിച്ച് മാറ്റിയെന്ന് അ​ൻ​ജു​മ​ൻ മ​സ്ജി​ദ് ഇ​ൻ​തി​സാ​മി​യ ക​മ്മി​റ്റി ജോ​യ​ന്റ് സെ​ക്ര​ട്ട​റി സ​യ്യി​ദ് അ​ഹ്മ​ദ് യാ​സീ​ൻ പറഞ്ഞു. ഇതിന് ശേ​ഷ​മാ​ണ് രാത്രി 12 മ​ണി​യോ​ടെ പ​ള്ളി​ക്ക​ടി​യി​ലു​ള്ള തെ​ക്കേ നി​ല​വ​റ​യി​ൽ വി​ഗ്ര​ഹം സ്ഥാ​പി​ച്ച​ത്. പൂ​ജ ന​ട​ത്താ​ൻ കോ​ട​തി വി​ധി​ച്ച​തി​നു പി​ന്നാ​ലെ ബുധനാഴ്ച അ​ർ​ധ​രാ​ത്രി ന​ട​ത്തി​യ നാ​ട​കീ​യ നീ​ക്ക​ങ്ങ​ളി​ലൂ​ടെയാണ് ​ഗ്യാൻവാപി മസ്ജിദിൽ വി​ഗ്ര​ഹം പ്ര​തി​ഷ്ഠി​ച്ചതെന്നും അദ്ദേഹം പറഞ്ഞു.

 

 

വാ​രാ​ണ​സി ജി​ല്ല മ​ജി​സ്ട്രേ​റ്റ് എ​സ്. രാ​ജ​ലിം​ഗം, ക​മീ​ഷ​ണ​ർ കൗ​​ശ​ൽ രാ​ജ് ശ​ർ​മ, കാ​ശി വി​ശ്വ​നാ​ഥ ക്ഷേ​ത്ര ട്ര​സ്റ്റ് സി.​ഇ.​ഒ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് അ​ർ​ധ​രാ​ത്രി 12 മണിയോടെ വി​ഗ്ര​ഹം സ്ഥാ​പി​ച്ച​ത്. 1993 വ​രെ ഹി​ന്ദു​ക്ക​ൾ പൂ​ജ ന​ട​ത്തി​യി​രു​ന്നു​വെ​ന്ന അ​വാ​സ്ത​വം അം​ഗീ​ക​രി​ച്ചാ​ണ് കോ​ട​തി, പ​ള്ളി​യി​ൽ പൂ​ജ​ക്ക് അ​നു​മ​തി ന​ൽ​കി​യതെന്ന മ​സ്ജി​ദ് ക​മ്മി​റ്റി​യു​ടെ വാ​ദം ശ​രി​യാ​ണെ​ന്ന് തെ​ളി​യി​ക്കു​ന്ന​താ​ണ് കോ​ട​തി ഉ​ത്ത​ര​വി​നു​ശേ​ഷം ബു​ധ​നാ​ഴ്ച അ​ർ​ധ​രാ​ത്രി ന​ട​ന്ന വി​ഗ്ര​ഹ​പ്ര​തി​ഷ്ഠയെന്നും അദ്ദേഹം പറഞ്ഞു.

1993ൽ ​സു​പ്രീം​കോ​ട​തി വി​ധി​യെ തു​ട​ർ​ന്ന് പ​ള്ളി​യു​ടെ സു​ര​ക്ഷി​ത​ത്വ​ത്തി​നാ​യി സ്ഥാ​പി​ച്ച ഇ​രു​മ്പു ഗ്രി​ല്ലു​ക​ളാണ് ആദ്യം മു​റി​ച്ചു​മാ​റ്റിയത്. രാ​ത്രി 10 മ​ണി​ക്കാ​ണി​ത് തു​ട​ങ്ങി​യ​ത്. അ​ത് പൂ​ർ​ത്തി​യാ​ക്കി​യ ശേ​ഷ​മാ​ണ് 12 മ​ണി​യോ​ടെ ഇ​വ​രു​ടെ ​നേ​തൃ​ത്വ​ത്തി​ൽ പ​ള്ളി​ക്ക​ടി​യി​ലു​ള്ള തെ​ക്കേ നി​ല​വ​റ​യി​ൽ വി​ഗ്ര​ഹം സ്ഥാ​പി​ച്ച​ത്. ആ ​സ​മ​യ​ത്ത് പ​ള്ളി​യി​ലു​ണ്ടാ​യി​രു​ന്ന ഇ​മാം മ​ഹ്ബൂ​ബ് ആ​ല​വും മു​അ​ദ്ദി​നു​മാ​ണ് ഇ​ത് ക​ണ്ട​തെ​ന്നും യാ​സീ​ൻ പ​റ​ഞ്ഞു.

അ​ർ​ധ​രാ​ത്രി ഇ​ത്ത​ര​മൊ​രു പ്ര​വൃ​ത്തി പ്ര​തീ​ക്ഷി​ക്കാ​തി​രു​ന്ന മ​സ്ജി​ദ് ക​മ്മി​റ്റി ഇ​ത് ക​ണ്ട​തോ​ടെയാണ് അ​ടി​യ​ന്ത​ര സ്റ്റേ​ക്കാ​യി അ​ർ​ധ​രാ​ത്രി​ത​ന്നെ സു​പ്രീം​കോ​ട​തി​യെ സ​മീ​പി​ച്ചത്. മ​സ്ജി​ദ് ക​മ്മി​റ്റി അ​ഭി​ഭാ​ഷ​ക​ൻ ഹു​സൈ​ൽ അ​ഹ്മ​ദ് അ​യ്യൂ​ബി ഹ​ര​ജി ത​യാ​റാ​ക്കി സു​പ്രീം​കോ​ട​തി ര​ജി​സ്ട്രി​യി​ൽ ന​ൽ​കി​യ​പ്പോ​ൾ ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് ഉ​ണ​രു​​ന്ന​മു​റ​ക്ക് ഹ​ര​ജി ധ​രി​പ്പി​ച്ച് വി​വ​ര​മ​റി​യി​ക്കാ​മെ​ന്ന് ര​ജി​സ്ട്രി​യി​ൽ​നി​ന്ന് മ​റു​പ​ടി കി​ട്ടി. തു​ട​ർ​ന്ന് രാ​വി​ലെ​യാ​ണ് സ്റ്റേ​ക്കു​ള്ള ഹ​ര​ജി സ്വീ​ക​രി​ക്കി​ല്ലെ​ന്നും അ​തു​മാ​യി അ​ല​ഹ​ബാ​ദ് ഹൈ​കോ​ട​തി​യി​ലേ​ക്ക് പോ​കാ​ൻ ചീ​ഫ് ജ​സ്റ്റി​സ് പ​റ​ഞ്ഞ​തെ​ന്നും ര​ജി​സ്ട്രി അ​റി​യി​ച്ച​ത്.

പി​ന്നീ​ട് അ​ല​ഹ​ബാ​ദ് ഹൈ​കോ​ട​തി​യി​ലെ​ത്തി​യ മ​സ്ജി​ദ് ക​മ്മി​റ്റി, ഹ​ര​ജി അ​ടി​യ​​ന്ത​ര​മാ​യി പ​രി​ഗ​ണി​ക്ക​ണ​മെ​ന്ന് അ​പേ​ക്ഷി​ച്ച​പ്പോ​ൾ, കാ​ത്തി​രി​ക്കൂ എ​ന്ന മ​റു​പ​ടി​യാ​ണ് ല​ഭി​ച്ച​ത്. അ​പ്പോ​ഴേ​ക്കും പ​ള്ളി​യു​ടെ നി​ല​വ​റ​ക്കു​ള്ളി​ൽ അ​ർ​ധ​രാ​ത്രി സ്ഥാ​പി​ച്ച വി​ഗ്ര​ഹ​ത്തി​നു മു​ന്നി​ൽ പൂ​ജാ​ക​ർ​മ​ങ്ങ​ൾ തു​ട​ങ്ങി​യി​രു​ന്നു. ഇ​തി​നി​ട​യി​ലും ന​മ​സ്കാ​രം തു​ട​രു​ന്ന ഗ്യാ​ൻ​വാ​പി മ​സ്ജി​ദി​ൽ വ്യാ​ഴാ​ഴ്ച പു​ല​ർ​ച്ച സു​ബ്ഹി ന​മ​സ്കാ​ര​ത്തി​നും 400ഓ​ളം പേ​ർ ഉ​ണ്ടാ​യി​രു​ന്നു​വെ​ന്ന് യാ​സീ​ൻ പ​റ​ഞ്ഞു.

വ്യാ​ഴാ​ഴ്ച സു​ബ്ഹി​ക്കു പു​റ​മെ മ​റ്റു ന​മ​സ്കാ​ര​ങ്ങ​ളും ന​ട​ന്നു. ജ​ല​ധാ​ര ശി​വ​ലിം​ഗ​മാ​ണെ​ന്ന് ഹി​ന്ദു​പ​ക്ഷം വാ​ദി​ച്ച​തി​നെ തു​ട​ർ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് അ​ട​ച്ചു​പൂ​ട്ടി മു​ദ്ര​വെ​ച്ച വു​ദൂ​ഖാ​ന ഇ​പ്പോ​ഴും മു​സ്‍ലിം​ക​ൾ​ക്ക് ഉ​പ​യോ​ഗി​ക്കാ​ൻ ക​ഴി​യാ​ത്ത ത​ര​ത്തി​ൽ കേ​ന്ദ്ര​സേ​ന​യു​ടെ കാ​വ​ലി​ലാ​ണെ​ന്ന് യാ​സീ​ൻ വ്യ​ക്ത​മാ​ക്കി.

സു​പ്രീം​കോ​ട​തി​യി​ൽ പ​രി​ഗ​ണ​ന​യി​ലി​രി​ക്കു​ന്ന കേ​സി​ൽ വാ​രാ​ണ​സി കോ​ട​തി പു​റ​പ്പെ​ടു​വി​ച്ച നി​യ​മ​വി​രു​ദ്ധ ഉ​ത്ത​ര​വ് അ​ടി​യ​ന്ത​ര​മാ​യി സ്റ്റേ ​ചെ​യ്യ​ണ​മെ​ന്ന ആ​വ​ശ്യ​വു​മാ​യി മ​സ്ജി​ദ് ക​മ്മി​റ്റി വ്യാ​ഴാ​ഴ്ച പു​ല​ർ​ച്ച മൂ​ന്നു​മ​ണി​ക്ക് സു​പ്രീം ​കോ​ട​തി​യി​ലെ​ത്തി​യെ​ങ്കി​ലും അ​ല​ഹ​ബാ​ദ് ഹൈ​കോ​ട​തി​യി​ലേ​ക്ക് പോ​കാ​നാ​യി​രു​ന്നു നി​ർ​ദേ​ശ​മെ​ന്നും അ​ദ്ദേ​ഹം പറഞ്ഞു.

 

 

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ അമർത്തുക

തൊഴിൽ വാർത്തകൾക്കും മറ്റു പ്രധാന അറിയിപ്പുകൾക്കും വാട്സ് ആപ്പ് ചാനൽ പിന്തുടരാൻ ഇവിടെ അമർത്തുക