സൗദിയിൽ ബസ് മറിഞ്ഞ് 4 പേർ മരിച്ചു, 7 പേർക്ക് പരിക്കേറ്റു

സൗദിയിൽ ബസ് മറിഞ്ഞ് 4 പേർ മരിച്ചു, 7 പേർക്ക് പരിക്കേറ്റു. പരിക്കേറ്റവരിൽ ഒരാളുടെ നില ഗുരതരമാണ്. അബു റാക്ക-അൽ-വാജ് റോഡിലാണ് അപകടമുണ്ടായത്.

നസ്ലത്ത് അബു റാക്ക – അൽ-വജ്ഹിൽ ഒരു അപകടമുണ്ടായതായി ഓപ്പറേറ്റിംഗ് റൂമിന് റിപ്പോർട്ട് ലഭിച്ചതായി അധികൃതർ വ്യക്തമാക്കി. അറബ് പൌരന്മാർക്കാണ് പരിക്കേറ്റതെന്നാണ് പ്രാഥമിക സൂചന. അപകടം സംബന്ധിച്ച വിശദാംശങ്ങൾ ലഭ്യമായിട്ടില്ല. അപകടത്തിന്റെ സാഹചര്യം മനസിലാക്കാനായി അധികൃതർ അപകട സ്ഥലം സന്ദർശിച്ചു. പരിക്കേറ്റവരെ കുറിച്ചും മരിച്ചവരെ കുറിച്ചുമുള്ള വിശദാംശങ്ങളും ലഭ്യമായിട്ടില്ല.

റെഡ് ക്രസന്റ് ടീമുകൾ അപകട സ്ഥലത്തെത്തി പരിക്കേറ്റവരെ ചികിത്സക്കായി ആശുപത്രികളിലേക്ക് മാറ്റി. മരിച്ചവരുടെ മൃതദേഹങ്ങളും ആശുപത്രികളിലേക്ക് മാറ്റിയതായി റെഡ് ക്രസൻ്റ് അറിയിച്ചു.

വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക