November 21, 2024

വീണ്ടും അത്ഭുതപ്പെടുത്തി സൗദി; വെള്ളത്തിന് മുകളിൽ പൊങ്ങികിടക്കുന്ന 36 ഫ്‌ളോട്ടിംഗ് വില്ലകളുടെ നിർമ്മാണം റെഡ് സീയിൽ പൂർത്തിയായി – വീഡിയോ

July 22, 2023July 22, 2023 News Desk

വീണ്ടും കൗതുകങ്ങൾ കൊണ്ട് വിനോദ സഞ്ചാരികളെ ആകർഷിച്ച് സൌദി അറേബ്യ. റെഡ് സീ പദ്ധതിപ്രദേശത്തെ ഷിബാര ദ്വീപിൽ 36 ഫ്ലോട്ടിംഗ് വില്ലകളുടെ നിർമ്മാണം പൂർത്തിയാക്കി കൊണ്ടാണ് ഇത്തവണ സൌദി ലോക ശ്രദ്ധയാകർഷിച്ചത്. 36 വില്ലകളുടെ ഇൻസ്റ്റാലേഷൻ പൂർത്തിയായതായും മറ്റ് 12 വില്ലകൾ അടുത്ത ആഴ്ച സ്ഥാപിക്കുമെന്നും റെഡ് സീ ഇന്റർനാഷണൽ അറിയിച്ചു.

ഈ വർഷത്തിന്റെ തുടക്കത്തിലാണ് കമ്പനി ഫ്ലോട്ടിംഗ് വില്ലകൾ സ്ഥാപിക്കാൻ തുടങ്ങിയത്. കടലിൽ പ്രകൃതി ആസ്വദിക്കാൻ അനുയോജ്യവും സുരക്ഷിതവുമായ സ്ഥലമാണിത്. പ്രത്യേകമായി പോളിഷ് ചെയ്ത സ്റ്റെയിൻലെസ് സ്റ്റീൽ കൊണ്ടാണ് ഇവയുടെ നിർമ്മാണം. ഓരോ വില്ലക്കും 150 ടൺ ഭാരമുണ്ട്.

പ്രകൃതിയും മനുഷ്യന്റെ ക്ഷേമവും കണക്കിലെടുത്ത് പ്രകൃതി പരിസ്ഥിതിയിൽ നിന്ന് പ്രചോദനം ഉൾക്കൊണ്ടുള്ള സവിശേഷമായ രൂപകൽപ്പനയാണ് വില്ലകളെ വ്യത്യസ്തമാക്കുന്നത്. ഇതിന്റെ ആധുനിക രൂപകൽപ്പന സൂര്യപ്രകാശത്തെയും അതിന്റെ ചൂടിനെയും പ്രതിഫലിപ്പിക്കും. അതിനാൽ അതിൽ താമസിക്കുന്ന ആർക്കും പ്രകൃതിയുടെ മധ്യത്തിലാണ് താമസിക്കുന്നത് എന്ന തോന്നലാണ് ഉണ്ടാക്കുക.

ബീച്ചിന് സമീപം 30 മുതൽ 40 മീറ്റർ വരെ നീളമുള്ള പവിഴപ്പുറ്റുകളുടെ സാന്നിധ്യമാണ് വില്ലകൾ ഉൾക്കൊള്ളുന്ന ഷിബാരയുടെ സവിശേഷത, ഇത് വർഷം മുഴുവനും ഈ പ്രദേശത്തെ സൗമ്യമായ കാലാവസ്ഥയുടെ വെളിച്ചത്തിൽ അനുയോജ്യമായ വിനോദസഞ്ചാര കേന്ദ്രമാക്കി മാറ്റുന്നു, ശരാശരി 32 ഡിഗ്രി സെൽഷ്യസ് ആണ് ഇവിടുത്തെ താപനില.

ദുഗോങ്ങുകൾ, കാട്ടുപൂച്ചകൾ, പച്ച ആമകൾ, വംശനാശഭീഷണി നേരിടുന്ന ഹോക്‌സ്‌ബിൽ കടലാമകൾ, മധുരമത്സ്യങ്ങൾ, സീബ്ര സ്രാവുകൾ, തിമിംഗല സ്രാവുകൾ തുടങ്ങിയ അപൂർവ ഇനങ്ങളുൾപ്പെടെ വിവിധതരം സസ്യജന്തുജാലങ്ങൾ ചെങ്കടലിന്റെ ഈ പ്രദേശങ്ങളിൽ ഉൾപ്പടുന്നു എന്നത് ശ്രദ്ധേയമാണ്.

5 ദ്വീപുകളിലായി 3,000 ഹോട്ടൽ മുറികൾ ഉൾകൊള്ളുന്ന 14 ഹോട്ടലുകൾ, പർവത, മരുഭൂമി പ്രദേശങ്ങളിലായി രണ്ട് റിസോർട്ടുകൾ, വിനോദ സൗകര്യങ്ങൾ, ചെങ്കടൽ വിമാനത്താവളം, ലോജിസ്റ്റിക് സൗകര്യങ്ങൾ, വിവിധ സേവനങ്ങൾ എന്നിവയോടൊപ്പ പദ്ധതിയുടെ ആദ്യ ഘട്ടത്തിൽ തന്നെ ഫ്ലോട്ടിംഗ് വില്ലകളും പ്രവർത്തനം ആരംഭിക്കും.

ഏകദേശം 1600 പുരാവസ്തു സൈറ്റുകൾ ഈ പ്രദേശത്ത് കണ്ടെത്തിയിട്ടുണ്ട്. നബാറ്റിയൻ അവശിഷ്ടങ്ങളും ഇസ്ലാമിന് മുമ്പുള്ള മറ്റ് അവശിഷ്ടങ്ങളും പതിനെട്ടാം നൂറ്റാണ്ടിന്റെ തുടക്കത്തിൽ തകർന്ന ഒരു കപ്പലും ഈ പ്രദേശത്തുണ്ട്.

വിനോദസഞ്ചാരികൾക്ക് വ്യത്യസ്ഥമായ ഒരു അനുഭവം പകർന്ന് നൽകുന്നതായിരിക്കും വെള്ളത്തിന് മുകളിൽ സ്ഥാപിച്ചിട്ടുള്ള ഈ ഫ്ലോട്ടിംഗ് വില്ലകൾ.

വീഡിയോ കാണാം…

تركيب 36 فيلا عائمة بـ"شيبارة" #معكم_باللحظة https://t.co/FAMUPzh0IC pic.twitter.com/UTS3ercOUR

— أخبار 24 (@Akhbaar24) July 21, 2023

Have you ever wondered what the inspiration was behind the stunning stainless-steel Sheybarah villas at #TheRedSea? Watch as our partners at Killa Design explain how we conceptualized this marvel of modern-day architecture #FutureOfTourism. pic.twitter.com/jfGTxv3zIe

— Red Sea Global (@RedSeaGlobal) May 25, 2023