കരിപ്പൂരിൻ്റെ ചിറകരിയുമോ?; കേന്ദ്രം നല്‍കിയ അന്ത്യശാസനം തീരാന്‍ ഇനി പത്തുനാള്‍ മാത്രം, നിരാശയോട പ്രവാസികൾ

റെസയിൽ കുരുങ്ങിയ വികസനം

വിമാനത്താവളത്തിന്റെ വളർച്ച ഇല്ലാതാക്കുന്ന നീക്കത്തിനെതിരേ വ്യാപകമായ പ്രതിഷേധമുയർന്നു. അതോടെ റെസ നിർമാണത്തിന് സ്ഥലമേറ്റെടുത്ത് നൽകാൻ സംസ്ഥാനസർക്കാർ തീരുമാനിച്ചു. ആദ്യം 18.5 ഏക്കർ ഏറ്റെടുക്കാനായിരുന്നു തീരുമാനം. പിന്നീടത് 14.5 ഏക്കറായി. പള്ളിക്കൽ വില്ലേജിൽനിന്ന് ഏഴേക്കറും നെടിയിരുപ്പിൽനിന്ന് ഏഴരയേക്കറുമാണ് ഏറ്റെടുക്കുന്നത്. ഒന്നരവർഷം മുമ്പേ സ്ഥലമേറ്റെടുപ്പിനുള്ള തയ്യാറെടുപ്പുകൾ തുടങ്ങി. പ്രാദേശികമായ എതിർപ്പുൾപ്പെടെ ഉയർന്നത് കാര്യങ്ങൾ മന്ദഗതിയിലാക്കി. സാമൂഹികാഘാത പഠനത്തിനടക്കം നാട്ടുകാർ തുടക്കത്തിൽ സഹകരിച്ചിരുന്നില്ല. വിമാനത്താവള വികസനത്തിന് ഒരിഞ്ച് ഭൂമിപോലും വിട്ടുനൽകില്ലെന്ന പ്രഖ്യാപനത്തോടെ സമരസമിതിയുടെ നേതൃത്വത്തിൽ എതിർപ്പു തുടരുകയാണ്.

അതേസമയം ഭൂമി ഏറ്റെടുക്കലിനായി റവന്യൂ ഉദ്യോഗസ്ഥർ തയ്യാറാക്കിയ അടിസ്ഥാന വില നിർണയ റിപ്പോർട്ട് കളക്ടറുടെ പരിഗണനയിലാണ്. ഇത് സർക്കാർ അംഗീകരിച്ചശേഷം വിശദമായ റിപ്പോർട്ട് തയ്യാറാക്കുന്നതിനും പുനരധിവാസ പാക്കേജ് പ്രഖ്യാപിച്ച് സ്ഥലം ഏറ്റെടുക്കുന്നതിനുമെല്ലാം ഇനിയും സമയം വേണ്ടിവരും.

ഭൂമി നഷ്ടപ്പെടുന്നവർക്ക് ഓരോ ഘട്ടത്തിലും പരാതികളും ആക്ഷേപങ്ങളും ഉന്നയിക്കുന്നതിനും സമയം നൽകണം. കഴിഞ്ഞ മാർച്ച് 31-നകം ഭൂമി ഏറ്റെടുത്ത് കൈമാറുമെന്നായിരുന്നു സംസ്ഥാന സർക്കാർ പ്രഖ്യാപിച്ചത്. അതുണ്ടായില്ല. ജൂലായ് 31-നകം ഭൂമി ഏറ്റെടുത്ത് നൽകുമെന്ന് മന്ത്രി വി. അബ്ദുറഹ്‌മാൻ പിന്നീട് പറഞ്ഞുവെങ്കിലും നടപ്പാകാൻ നിലവിലെ സാഹചര്യത്തിൽ സാധ്യതയില്ല.

വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക

ബഹറൈനിൽ പോയി എളുപ്പത്തിൽ സന്ദർശക വിസ പുതുക്കാം. ഇപ്പോൾ ചിലവും കുറവ്

വിശദമായ വിവരങ്ങൾക്ക് ബന്ധപ്പെടുക:

0556884273
http://wa.me/+966556884273