വാട്സ്ആപ്പ് ചാറ്റുകൾ ഇനി ഒരു ഫോണിൽ നിന്ന് മറ്റൊന്നിലേക്ക് എളുപ്പത്തിൽ മാറ്റാം
രണ്ട് ഉപകരണങ്ങൾക്കിടയിൽ ക്യൂ ആർ കോഡിലൂടെ ചാറ്റ് ഹിസ്റ്ററി കൈമാറാനുള്ള സംവിധാനവുമായി വാട്സ്ആപ്പ്. ആപ്പ് അവതരിപ്പിച്ച പുതിയ അപ്ഡേറ്റിലാണ് മറ്റു ഫോണുകളിലേക്ക് വേഗത്തിൽ ചാറ്റ് ഹിസ്റ്ററി മാറ്റാനുള്ള സംവിധാനം. ആപ്പിൽ നിന്ന് പുറത്തുകടക്കാതെ തന്നെ സമ്പൂർണ്ണ ചാറ്റും മീ‍ഡിയ ഹിസ്റ്ററിയും സംരക്ഷിക്കാനുളള സംവിധാനമാണ് മാർക്ക് സക്കർബർഗ് പ്രഖ്യാപിച്ചത്.
ആൻഡ്രോയ്ഡിൽ നിന്ന് ഐഫോണിലേക്കും തിരിച്ചും ഡാറ്റ കൈമാറാൻ ഉപഭോക്താക്കളെ വാട്സ്ആപ്പ് ഇതിനകം അനുവദിക്കുന്നുണ്ട്. ഒരേ ഓപ്പറേറ്റിംഗ് സിസ്റ്റം പ്രവർത്തിക്കുന്ന ഉപകരണങ്ങളിൽ മാത്രമാണ് പുതിയ ക്യൂ ആർ രീതി പ്രവർത്തിപ്പിക്കാൻ കഴിയുന്നത്.
ക്ലൗഡിലേക്ക് ബാക്കപ്പ് ചെയ്തായിരുന്നു ഇത് വരെ ചാറ്റുകൾ മറ്റ് ഫോണുകളിലേക്ക് മാറ്റിയിരുന്നത്. പുതിയ രീതിയിൽ ക്ലൗഡിലേക്ക് ചാറ്റുകൾ ബാക്കപ്പ് ചെയ്യേണ്ടതില്ലെന്ന് വാട്സ്ആപ്പ് അറിയിച്ചു. ബാക്കപ്പ്, റീസ്റ്റോറിംഗ് എന്നീ പ്രക്രിയകൾ ഒഴിവാക്കി ക്യൂ ആർ കോഡ് സ്കാനിംഗ് മാത്രം ചെയ്ത് പുതിയ രീതിയിൽ ചാറ്റുകൾ മാറ്റാം. കൂടുതൽ സ്റ്റോറേജ് ആവശ്യമുള്ള വലിയ ഫയലുകൾ ഉൾപ്പെ‌ടെ ഈ രീതിയിൽ ഉപയോഗിക്കാം. മാറ്റുന്ന ഫോണുകൾ ഒരേ വൈഫൈയിലേക്ക് കണക്‌ട് ചെയ്തിരിക്കണം.
എങ്ങനെ ചാറ്റുകൾ മാറ്റാം
– പഴയ ഉപകരണത്തിൽ വാട്സ്ആപ്പ് തുറക്കുക.
– സെറ്റിംങ്സ് > ചാറ്റ്സ് > ചാറ്റ് ട്രാൻസ്ഫർ എന്നതിലേക്ക് പോവുക.
– പഴയ ഫോണിൽ നിന്ന് ഒരു ക്യുആർ കോഡ് സ്കാൻ ചെയ്യാൻ ഇപ്പോൾ ഉപഭോക്താക്കളോട് ആവശ്യപ്പെടും.
– സ്കാൻ പ്രക്രിയ പൂർത്തിയായിക്കഴിഞ്ഞാൽ, കൈമാറ്റം സ്വീകരിക്കാൻ ഉപഭോക്താക്കളോട് ആവശ്യപ്പെടും.
– അക്സപ്റ്റ് കൊടുക്കുക, ഉടൻ കൈമാറ്റ പ്രക്രിയ ആരംഭിക്കും.
– പ്രക്രിയ പൂർത്തിയാകുന്നത് വരെ ഉപഭോക്താക്കൾ ട്രാൻസ്ഫർ സ്ക്രീനിൽ തന്നെ തുടരണം എന്നത് ശ്രദ്ധിക്കേണ്ടതാണ്.
വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:
0556884273
http://wa.me/+966556884273
