എട്ടുവയസ്സുകാരിയുടെ മരണം; മൊബൈൽ ഫോണിലുണ്ടായത് രാസസ്‌ഫോടനം, കാരണം അന്വേഷിച്ച് വിദഗ്ധർ

കുട്ടി ഉപയോഗിച്ചിരുന്നത് മൂന്നുവർഷത്തിലധികം പഴക്കമുള്ള ഫോണായിരുന്നു. അശോകന്റെ അനുജൻ സമ്മാനമായി നൽകിയ ഫോണിന്റെ ബാറ്ററി ഒരു തവണ മാറ്റിയതായി അറിയുന്നു. മൊബൈൽ ഫോൺ കൂടുതൽ സമയം ഉപയോഗിച്ചതിനാൽ ബാറ്ററി അമിതമായി ചൂടായതാണ് പൊട്ടിത്തെറിക്ക് കാരണമെന്നാണ് വിദഗ്‌ധരുടെ നിഗമനം. ഓടിട്ട വീടിനോട് ചേർന്ന് സമീപകാലത്തായി കൂട്ടിച്ചേർത്ത മുറിയുടെ മേൽക്കൂര ഷീറ്റിട്ടതാണ്. ഫോണും ശരീരാവശിഷ്ടങ്ങളും ഫോറൻസിക് വിദഗ്‌ധർ പരിശോധനയ്ക്ക് വിധേയമാക്കി.

നടുക്കിയ പൊട്ടിത്തെറി; കാരണം അന്വേഷിച്ച് വിദഗ്ധർ

മൊബൈൽ ഫോണുകളിലും ലാപ്ടോപ്പുകളിലും ലിഥിയം അയോൺ ബാറ്ററികളാണ് ഉപയോഗിക്കുന്നത്. ഇത്തരം ബാറ്ററികൾക്ക് സ്ഫോടനശേഷിയുണ്ട്. ചൂടേറിയ കാലാവസ്ഥയിൽ ഷീറ്റിട്ട മുറിയിൽ ഏറെനേരം കുട്ടി മൊബൈൽ ഉപയോഗിച്ചപ്പോൾ ഫോൺ അമിതമായി ചൂടായിട്ടുണ്ടാകാനുള്ള സാധ്യതയുണ്ട്. യഥാർഥ ബാറ്ററിയല്ലെന്നതിനാൽ അപകടസാധ്യത കൂടുതലാണ്. ചൂടായി വീർത്ത ബാറ്ററികളുള്ള ഫോൺ അമർന്നുപോയാലും അപകടമുണ്ടാകാം.

കുട്ടി ഏറെനേരമായി വീഡിയോ കാണുകയായിരുന്നുവെന്നാണ് മുത്തശ്ശി പറഞ്ഞത്. ഇന്റർനെറ്റുകൂടി ഉപയോഗിക്കുകയാണെങ്കിൽ ഫോൺ അമിതസമ്മർദത്തിലായി വേഗത്തിൽ ചൂടാകും. സാധാരണ ഫോൺ പൊട്ടിത്തെറിക്കുമ്പോൾ തീപിടിച്ച് പൊള്ളലേറ്റുള്ള അപകടമാണുണ്ടാകാറുള്ളത്. ഇവിടെ തീ പടർന്നിട്ടില്ല. എന്നാൽ, സ്ഫോടനശബ്ദം കേട്ടതായി മുത്തശ്ശിയും പരിസരവാസികളും പറയുന്നുണ്ട്.

ഓടിയെത്തിയപ്പോൾ കുട്ടി രക്തത്തിൽ കുളിച്ചുകിടക്കുന്നതാണ് കണ്ടതെന്ന്‌ മുത്തശ്ശി പറയുന്നു. ഈ വിവരങ്ങൾ ശരിയാണെങ്കിൽ അപകടത്തിന് അപൂർവതയുണ്ടെന്നാണ് വിദഗ്ധർ പറയുന്നത്.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.

വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:

0556884273
http://wa.me/+966556884273