വിസിറ്റ് വിസയിലെത്തിയവർ കാലാവധിക്കുള്ളിൽ തിരിച്ച് പോയില്ലെങ്കിൽ കരിമ്പട്ടികയിൽ ഉൾപ്പെടുത്തി ഒളിച്ചോടിയതായി പ്രഖ്യാപിക്കും; വൻ തുക പിഴയും ജിസിസി രാജ്യങ്ങളിലേക്ക് പ്രവേശന വിലക്കും ഏർപ്പെടുത്തും

April 15, 2023April 15, 2023 News Desk

വിസിറ്റ് വിസയിലിൽ യുഎഇയിലെത്തുന്ന വിനോദസഞ്ചാരികളും സന്ദർശകരും ഒരു ദിവസം പോലും അധികം തങ്ങരുതെന്ന് അധികൃതർ മുന്നറിയിപ്പ് നൽകുന്നു. കാലാവധിക്ക് ശേഷം രാജ്യത്ത് തങ്ങുന്നവരെ കരിമ്പട്ടികയിൽ ഉൾപ്പെടുത്തുകയും ഒളിച്ചോടിയതായി കണക്കാക്കി കുറ്റം ചുമത്തുകയും ചെയ്യുമെന്നും ട്രാവൽ ഏജൻ്റുമാർ പറഞ്ഞു.

ഇത്തരക്കാർക്ക് പിന്നീട് യുഎഇയിലേക്ക് മാത്രമല്ല മറ്റ് ജിസിസി രാജ്യങ്ങളിലേക്കും പ്രവേശിക്കുന്നതിൽ നിന്ന് വിലക്കേർപ്പെടുത്തുമെന്നും ചില ട്രാവൽ ഏജന്റുമാർ പറഞ്ഞു. വിസ കാലഹരണപ്പെട്ട സന്ദർശകരോട് ആവശ്യമായ ക്രമീകരണങ്ങൾ ചെയ്ത് എത്രയും വേഗം രാജ്യം വിടാൻ അവർ ആവശ്യപ്പെട്ടു.

സന്ദർശകരെ ഒളിച്ചോടിയതായി ഏജന്റുമാർ റിപ്പോർട്ട് ചെയ്യുന്നത് എന്തുകൊണ്ട്?

30 അല്ലെങ്കിൽ 60 ദിവസത്തെ സന്ദർശന വിസയിൽ യുഎഇയിൽ പ്രവേശിക്കുന്ന സന്ദർശകർക്ക് ഏജന്റിന്റെ സ്പോൺസർഷിപ്പിന് കീഴിലാണ് വിസ ലഭിക്കുക. വിസാ കാലാവധിക്ക് ശേഷവും സന്ദർശകർ രാജ്യത്ത് താമസിച്ചാൽ അത് ഏജന്റിനെ ബാധിക്കുകയും സാമ്പത്തിക പിഴ ചുമത്തപ്പെടുകയും ചെയ്യും. ഇക്കാരണത്താൽ ഏജൻ്റുമാർക്ക് പിഴ ലഭിക്കാതിരിക്കാനും ലൈസൻസിനെ ബാധിക്കാതരിക്കാനുമായി സന്ദർശകർ ഒളിവിലാണെന്ന് റിപ്പോർട്ട് ചെയ്യാറാണ് പതിവെന്ന് റൂഹ് ടൂറിസം ആൻഡ് ട്രാവൽ എൽഎൽസിയുടെ സെയിൽസ് ഡയറക്ടർ ലിബിൻ വർഗീസ് പറഞ്ഞു.

“ഇത് പണം നഷ്ടപ്പെടുന്നതിനെക്കുറിച്ചുള്ള പ്രശ്നം മാത്രമല്ല, പോർട്ടലിൽ ഞങ്ങൾക്ക് ഒരു നിശ്ചിത എണ്ണം വിസ അപേക്ഷകൾ നൽകിയിട്ടുണ്ട്, ഒരു സന്ദർശകൻ അധികസമയം താമസിച്ചാൽ പുതിയ വിസകൾക്ക് അപേക്ഷിക്കാൻ കഴിയില്ല. ചില സമയങ്ങളിൽ ഞങ്ങളുടെ പോർട്ടലും ബ്ലോക്ക് ചെയ്യപ്പെടാം,” വർഗീസ് കൂട്ടിച്ചേർത്തു.

“ഓവർസ്റ്റേ പിഴകൾ ബാധകമാണെന്നും അവരുടെ ബിസിനസ്സ് ലാഭിക്കണമെന്നും ഏജന്റുമാരും ആവർത്തിച്ചു. സന്ദർശകരിൽ നിന്ന് അവർ അത് വീണ്ടെടുക്കും. അധികം താമസിക്കുന്നതിനുള്ള ഏറ്റവും കുറഞ്ഞ പിഴ 2,000 ദിർഹമാണ്, ഇത് ദിവസേന വർദ്ധിച്ചുകൊണ്ടിരിക്കും. സന്ദർശകർ അധികമായി താമസിക്കുന്ന ദിവസങ്ങളുടെ എണ്ണം അനുസരിച്ച് കൂടുതൽ പണം നൽകേണ്ടി വരും,”- പേര് വെളിപ്പെടുത്താൻ ആഗ്രഹിക്കാത്ത ഒരു ഏജന്റ് പറഞ്ഞു.

ഒളിച്ചോടിയതായി റിപ്പോർട്ട് ചെയ്യപ്പെട്ടാൽ എങ്ങിനെ രാജ്യത്ത് നിന്നും പുറത്ത് പോകാൻ സാധിക്കും ?

സന്ദർശന വിസയിലെത്തി കാലാവധിക്കുള്ളിൽ തിരിച്ച് പൊകാത്തവരെ ഒളിച്ചോടതിയതായി റിപ്പോർട്ട് ചെയ്താൽ യുഎഇയിൽ നിന്നും പുറത്ത് പോകാനുള്ള നടപടിക്രമങ്ങളൾ ഇവയാണ്.

ഒളിച്ചോടിയതായി റിപ്പോർട്ട് ചെയ്യപ്പെട്ട വ്യക്തി ആദ്യം അവരുടെ വിസ പ്രോസസ്സ് ചെയ്ത ഏജന്റുമായി ബന്ധപ്പെടണം. തുടർന്ന് ഏജൻ്റ് നിർദേശിക്കുന്നതിനനുസരിച്ച് ചുമത്തപ്പെട്ട പിഴ അടക്കണം. ഇതിലൂടെ ഒളിച്ചോടിയ വ്യക്തിയുടെ കേസ് പോർട്ടലിൽ നിന്ന് പിൻവലിക്കാനും സന്ദർശകന് രാജ്യത്തിന് പുറത്തുകടക്കാനുള്ള ഔട്ട്പാസ് നേടാനും കഴിയും.

ക്രിമിനൽ കുറ്റമായാണ് ഒളിച്ചോട്ടം കണക്കാക്കുന്നത്. വിസിറ്റ് വിസക്കാരായ കുറ്റവാളികളെ പോലീസിന് അറസ്റ്റ് ചെയ്യാമെന്നും ഏജന്റുമാർ പറയുന്നു. “സന്ദർശകർക്ക് വിമാനത്താവളത്തിൽ അവരുടെ വിസ സ്റ്റാറ്റസ് കാലാവധിയുള്ളതാണെന്ന് സ്ഥാപിക്കാൻ കഴിയുന്നില്ലെങ്കിൽ, അവരെ നാടുകടത്തൽ കേന്ദ്രത്തിലേക്ക് മാറ്റിയേക്കാം. ഓരോ സന്ദർശകനും അവരുടെ സ്പോൺസറുമായി നിരന്തരം ആശയവിനിമയം നടത്തണം.” സിദ്ദിഖ് ട്രാവൽസിന്റെ ഉടമ താഹ സിദ്ദിഖ് പറഞ്ഞു,

“സന്ദർശകരുടെ വിസ സ്റ്റാറ്റസ് സാധുവായി നിലനിർത്തുന്നതിന്, വിസ കാലഹരണപ്പെടുന്നതിന് കുറച്ച് ദിവസങ്ങൾക്ക് മുമ്പ് തന്നെ ഓർമ്മപ്പെടുത്തൽ സെറ്റ് ചെയ്ത് വെക്കുന്നത് ഗുണകരമാകും. കൂടുതൽ ആളുകളും അവരുടെ വിസ പുതുക്കേണ്ട തിയതി മറന്ന് പോകാറാണ് പതിവ്. അതിനാൽ വിസ കാലഹരണപ്പെടുന്നതിന് അഞ്ച് ദിവസം മുമ്പ് നിങ്ങളുടെ ഫോണിൽ ഒരു ഓർമ്മപ്പെടുത്തൽ സെറ്റ് ചെയ്ത് സൂക്ഷിക്കുന്നത് നല്ലതാണ്. പലരും നാട്ടിലേക്ക് പോകാനായി എയർപോർട്ടിൽ എത്തിയ ശേഷമാണ് വിസ കാലാവധി കഴിഞ്ഞതായി അറിയുന്നത്. ഇത് ഇവരെ നാടു കടത്തൽ കേന്ദ്രത്തിലേക്ക് മാറ്റുന്നതിന് കാരണമാകുമെന്നും”സിദ്ദിഖ് കൂട്ടിച്ചേർത്തു.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.