നിദ ഫാത്തിമയുടെ മരണം: നൊമ്പരമായി പിതാവിന്‍റെ ഫേസ് ബുക്ക് കുറിപ്പ്

ദേ​ശീ​യ സൈ​ക്കി​ൾ പോ​ളോ​മ​ത്സ​ര​ത്തി​നി​ടെ മ​ര​ണ​പ്പെ​ട്ട നി​ദ ഫാ​ത്തി​മ​യു​ടെ മരണ കാരണം അറിയാനുളള കാത്തിരിപ്പ് അനന്തമായി നീളുന്നതായി പിതാവ്. മ​ക​ളു​ടെ മ​ര​ണ​കാ​ര​ണം അ​റി​യാ​നു​ള്ള കാ​ത്തി​രി​പ്പ്​ അ​ന​ന്ത​മാ​യി നീ​ളു​ന്ന​തി​ന്‍റെ നൊ​മ്പ​രം പ​ങ്കു​വെ​ച്ച്​ പിതാവ് ശിഹാബുദ്ദീൻ പങ്കുവെച്ച ഫേസ്പൂക്ക് കുറിപ്പ് വൈറലായി. മരണ കാരണം വ്യക്തമാക്കുന്ന പോ​സ്റ്റ്​​മോ​ർ​ട്ടം റി​പ്പോ​ർ​ട്ടു​പോ​ലും ഇ​തു​വ​രെ ല​ഭി​ച്ചി​ല്ലെ​ന്ന്​ പി​താ​വ്​ ശി​ഹാ​ബു​ദ്ദീ​ൻ പ​റ​യു​ന്നു.

നാ​ഗ്പു​രി​ലെ മെ​ഡി​ക്ക​ല്‍ കോ​ള​ജി​ലാ​യി​രു​ന്നു പോ​സ്റ്റ്മോ​ര്‍ട്ടം ന​ട​ത്തി​യ​ത്. എ​ന്നാ​ല്‍, മൂ​ന്ന് മാ​സം പി​ന്നി​ട്ടി​ട്ടും പോ​സ്റ്റ്മോ​ര്‍ട്ടം റി​പ്പോ​ര്‍ട്ട് പോലം ബ​ന്ധു​ക്ക​ള്‍ക്ക് ല​ഭി​ച്ചി​ട്ടി​ല്ല. മ​ക​ളു​ടെ മ​ര​ണ​ത്തി​നു​ശേ​ഷം മാ​താ​വ് അ​ന്‍സി​ല ഇ​നി​യും സാ​ധാ​ര​ണ​ജീ​വി​ത​ത്തി​ലേ​ക്ക് തി​രി​ച്ചെ​ത്തി​യി​ട്ടി​ല്ല. ഭാ​ര്യ​യെ ത​നി​ച്ചാ​ക്കി ജോ​ലി​ക്ക് പോ​കാ​നാ​കാ​തെ ശി​ഹാ​ബു​ദ്ദീ​നും വീ​ട്ടി​ല്‍ത​ന്നെ​യാ​ണ്.

നീ​തി​ക്കു​വേ​ണ്ടി ഈ ​കു​ടും​ബം മു​ട്ടാ​ത്ത വാ​തി​ലു​ക​ളി​ല്ല. ഒ​രു അ​സു​ഖ​വും ഇ​ല്ലാ​തെ സ​ന്തോ​ഷ​ത്തോ​ടെ യാ​ത്ര പു​റ​പ്പെ​ട്ട മ​ക​ൾ മ​രി​ക്കാ​നു​ള്ള കാ​ര​ണം അ​റി​യാ​ൻ മ​ന​സ്സ്​ വെ​മ്പ​ൽ​കൊ​ള്ളു​ക​യാ​ണെ​ന്നും അ​തി​നാ​യി എ​വി​ടെ പോ​ക​ണ​മെ​ന്ന്​ അ​റി​യി​ല്ലെ​ന്നും പ​റ​യു​ന്ന ശിഹാബുദ്ദീൻ ത​ങ്ങ​ൾ​ക്ക്​ നീ​തി ല​ഭി​ക്കാ​ൻ എ​ല്ലാ​വ​രു​ടെ​യും പി​ന്തു​ണ​യും തേ​ടു​ന്നു​ണ്ട്.

കോടതി ഉത്തരവിലൂടെയാണ് നിദ ഉൾപ്പെടെയുള്ള കേരള ടീം അംഗങ്ങൾ നാഗ്പൂരിലെ ചാമ്പ്യൻഷിപ്പിൽ പങ്കെടുക്കാനെത്തിയത്. കോടതി വിധിയിലെ സാങ്കേതികത്വം ചൂണ്ടിക്കാട്ടി കേരള ടീമിന് ഭക്ഷണമോ താമസ സൗകര്യമോ നൽകാൻ ദേശീയ ഫെഡറേഷൻ തയാറായില്ലെന്ന് ടീം അംഗങ്ങളെ ഉദ്ധരിച്ച് അന്ന് മാധ്യമങ്ങൾ റിപ്പോർട്ട് ചെയ്തിരുന്നു.

മലയാളി താരങ്ങൾ നേരിട്ട അവഗണനയെ കുറിച്ച് സംസ്ഥാന കായിക വകുപ്പിലെയും സ്പോർട്‌സ്‌കൗൺസിലിലെയും ഉത്തരവാദിത്തപ്പെട്ടവർക്ക് അറിവുണ്ടായിരുന്നിട്ടും പ്രശ്നത്തിൽ ഇടപെടാനോ പകരം സംവിധാനങ്ങൾ ഒരുക്കാനോ തയാറായില്ല. ഇതേക്കുറിച്ച് സംസ്ഥാന സർക്കാർ അടിയന്തരമായി അന്വേഷിച്ച് ഗുരുതരമായ കൃത്യവിലോപം നടത്തിയവർക്കെതിരെ കർശന നടപടിയെടുക്കണം. കേരള ടീമിന്റെ അവകാശങ്ങൾ നിഷേധിച്ച ദേശീയ കായിക ഫെഡറേഷന്റെ നടപടിയെ കുറിച്ച് കേന്ദ്ര കായിക മന്ത്രാലയവും അന്വേഷിക്കണമെന്ന് പ്രതിപക്ഷ നേതാവ് അന്ന് ആവശ്യപ്പെട്ടിരുന്നു.

സംഭവത്തിൽ വിശദമായ അന്വേഷണം നടത്തണമെന്ന് ആവശ്യപ്പെട്ട് വിദ്യാഭ്യാസ മന്ത്രി വി.ശിവൻകുട്ടി മഹാരാഷ്ട്ര മുഖ്യമന്ത്രി ഏക്‌നാഥ് ഷിൻഡെയ്ക്ക് കത്തയച്ചിരുന്നു. കുട്ടിക്ക് മെച്ചപ്പെട്ട വൈദ്യസഹായം ലഭിച്ചില്ല എന്ന ആരോപണവും അന്വേഷണ പരിധിയിൽ ഉൾപ്പെടുത്തണമെന്ന് മന്ത്രി കത്തിൽ ആവശ്യപ്പെട്ടിരുന്നു. അന്വേഷണവുമായി ബന്ധപ്പെട്ട എല്ലാ സഹകരണവും കേരള സർക്കാരിന്റെ ഭാഗത്തുനിന്ന് ഉണ്ടാകുമെന്നും ശിവൻകുട്ടി കത്തിൽ അറിയിച്ചിരുന്നു.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.

വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:

0556884273
http://wa.me/+966556884273