സൗദിയിൽ മലയാളി യുവാവ് വാഹനപകടത്തിൽ മരിച്ചു
സൌദിയിലെ തബൂക്കിൽ കോഴിക്കോട് സ്വദേശി വാഹനപകടത്തിൽ മരിച്ചു. തിരുവമ്പാടി പെരുമാലിപ്പടി സ്വദേശി ഓത്തിക്കൽ ഷിബിൻ ജോസഫ് (30) ആണ് മരിച്ചത്. ചൊവ്വാഴ്ച വൈകിട്ട് തബൂക്കിനടുത്ത് ദുബയിൽ വെച്ചുണ്ടായ വാഹനാപകടത്തിലായിരുന്നു മരണം.
തബൂക്ക്-യാംബു റോഡിലെ ദുബ എന്ന സ്ഥലത്ത് വെച്ച് ഇദ്ദേഹം സഞ്ചരിച്ചിരുന്ന വാഹനത്തിൽ ട്രക്ക് ഇടിച്ചാണ് അപകടമുണ്ടായത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തബൂക്ക് ആസ്ട്ര കമ്പനിയിലെ ബേക്കറി വിഭാഗത്തിൽ ജോലി ചെയ്തിരുന്ന ഇദ്ദേഹം തമ്പലമണ്ണ ചക്കുംമൂട്ടിൽ കുടുംബാംഗമാണ്.
പെരുമാലിപ്പടി ഓത്തിക്കൽ ജോസഫിന്റെയും ബോബിയുടേയും മകനാണ്. ഭാര്യ: ഡോണ (നഴ്സ്, ഇ.എം.എസ് സഹകരണ ആശുപത്രി മുക്കം).
ഷിനി, ഷിന്റോ എന്നിവർ സഹോദരങ്ങളാണ്. ദുബ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കി നാട്ടിലെത്തിച്ചു സംസ്കരിക്കുമെന്ന് ബന്ധപ്പെട്ടവർ അറിയിച്ചു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.
വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:
0556884273
http://wa.me/+966556884273
