മദ്യപിച്ചെത്തിയ നാല് യുവതികൾ ചേർന്ന് നടുറോഡിൽ സ്ത്രീയെ മർദിച്ചു; ഇടപെടാതെ നാട്ടുകാർ നോക്കി നിന്നു-വീഡിയോ
മധ്യപ്രദേശിലെ ഇൻഡോർ ജില്ലയിലെ തിരക്കേറിയ റോഡിൽ ഒരു സ്ത്രീയെ മദ്യപിച്ചെത്തിയ മറ്റ് നാല് യുവതികൾ ചേർന്ന് മർദിക്കുന്നതിൻ്റെ ദൃശ്യങ്ങൾ വൈറലായി. ഇൻഡോറിലെ ധേനു മാർക്കറ്റിലെ ഒരു കീടനാശിനി കടയിൽ വിൽപ്പനക്കാരിയായി ജോലി ചെയ്യുന്ന യുവതിക്കാണ് മർദനമേറ്റത്.
ഇൻഡോറിലെ എൽഐജി കവലയിൽ വെള്ളിയാഴ്ച രാത്രി ഒരു മണിയോടെയാണ് സംഭവം. നാല് യുവതികൾ ചേർന്ന് യുവതിയെ മുടി പിടിച്ച് വലിച്ച് താഴെയിട്ടു. തുടർന്ന് മുഖത്ത് അടിക്കുന്നതും ചവിട്ടുന്നതും ബെൽറ്റും സ്ലിപ്പറുകളും ഉപയോഗിച്ച് മർദിക്കുന്നതും വീഡിയോയിൽ വ്യക്തമാണ്.
സംഭവം നടക്കുമ്പോൾ സമീപത്ത് കൂടി നിന്നിരുന്ന ആളുകൾ ആക്രമകാരികളായ യുവതികളെ പിടിച്ച് മാറ്റി ഇരയെ രക്ഷിക്കുവാൻ ശ്രമിച്ചില്ല. മാത്രവുമല്ല ആൾകൂട്ടത്തിൽ ചിലർ മൊബൈലിൽ സംഭവം ചിത്രകരിക്കുകയായിരുന്നു.
ഒരു കാരണവുമില്ലാതെ യുവതികൾ മർദിച്ചതായി ആക്രമിക്കപ്പെട്ട യുവതി പരാതിയിൽ പറഞ്ഞതായി എംഐജി പോലീസ് സ്‌റ്റേഷൻ ഇൻ ചാർജ് അജയ് വർമ വ്യക്തമാക്കി. മേഘ മാളവ്യ, പൂനം അഹിർവാർ, ടീന സോണി എന്നിവരും മറ്റൊരു പെൺകുട്ടിയുമാണ് കേസിലെ പ്രതികളെന്ന് തിരിച്ചറിഞ്ഞിട്ടുണ്ട്.
ഐപിസി സെക്ഷൻ 323 (വ്രണപ്പെടുത്തൽ), 506 (ക്രിമിനൽ ഭീഷണിപ്പെടുത്തൽ), 294 (അശ്ലീല പ്രവൃത്തികൾ) എന്നിവ ഉൾപ്പെടെയുള്ള വിവിധ വകുപ്പുകൾ പ്രകാരമാണ് പെൺകുട്ടികൾക്കെതിരെ കേസെടുത്തിരിക്കുന്നത്.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
വീഡിയോ കാണാം
मध्यप्रदेश के इंदौर में एक महिला को नशे में धुत चार लड़कियाँ बेरहमी से पीट रही हैं
भीड़ तमाशा देख रही है, वीडियो बना रही है जैसे टिकट लेकर आई हो
मुकदमा दर्ज हो गया है, पीटने वाली महिला विधवा है पास की दुकान में काम करती है pic.twitter.com/Tnk5lysGe3
— Nigar Parveen (@NigarNawab) November 7, 2022
