കത്തില്‍ ‘കത്തി’ തിരുവനന്തപുരം കോർപറേഷൻ; CPM-BJP കൗണ്‍സിലര്‍മാര്‍ തമ്മില്‍ കയ്യാങ്കളി, സംഘര്‍ഷാവസ്ഥ
തിരുവനന്തപുരം: മേയറുടെ കത്ത് വിവാദത്തില്‍ തിരുവനന്തപുരം നഗരസഭയില്‍ കൗണ്‍സിലര്‍മാര്‍ തമ്മില്‍ കയ്യാങ്കളി. സി.പി.എം-ബി.ജെ.പി. കൗണ്‍സിലര്‍മാര്‍ തമ്മിലാണ് നഗരസഭ കാര്യാലയത്തില്‍ കയ്യാങ്കളിയുണ്ടായത്. വനിതാ കൗണ്‍സിലര്‍മാര്‍ അടക്കമുള്ളവര്‍ തമ്മില്‍ വാക്കേറ്റമുണ്ടായി. സ്ഥലത്ത് സംഘര്‍ഷാവസ്ഥ തുടരുകയാണ്. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എസ്. സലീമിനെ ബി.ജെ.പി കൗൺസിലർമാർ മുറിക്കകത്ത് പൂട്ടിയിട്ടപ്പോൾ ഇത് സി.പി.എം കൗൺസിലർമാർ തടയാൻ ശ്രമിച്ചതോടെയാണ് സംഘർഷം തുടങ്ങിയത്.
