സൗദിയിൽ മലയാളി യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

സൗദിയിലെ ജിദ്ദയിൽ മലയാളി യുവതിയെ മരിച്ച നിലയിൽ കണ്ടെത്തി. മഞ്ചേരി കാവനൂർ സ്വദേശി പി.ടി ഫാസിലയാണ് (26) മരിച്ചത്. ഭർത്താവായ അൻവർ ഉച്ചക്ക് താമസസ്ഥലത്തെത്തിയപ്പോഴാണ് രക്തം വാർന്ന നിലയിൽ ഫാസിലയെ കണ്ടെത്തിയത്. ഉടൻ തന്നെ ജീവൻ രക്ഷപ്പെടുത്താനായി ശ്രമം ആരംഭിച്ചെങ്കിലും മരണപ്പെടുകയായിരുന്നു. കഴുത്തിൽ ഷാൾ കുടുങ്ങിയതായി കാണപ്പെട്ടുവെന്ന് സാമൂഹിക പ്രവർത്തകർ പറഞ്ഞു. ഇവരുടെ ബന്ധുക്കളും നാട്ടുകാരും സംഭവ സ്ഥലത്ത് എത്തിയിട്ടുണ്ട്.

ഫോറൻസിക് വിദഗ്ധരും പൊലീസും സ്ഥലത്തെത്തി അന്വേഷണം ആരംഭിച്ചിട്ടുണ്ട്.  രണ്ടര വയസ്സായ മകളുണ്ട്. മലപ്പുറം പൂക്കളത്തൂർ സ്വദേശി അൻവറാണ് ഭർത്താവ്. സൌദിയിലുള്ള ഭർത്താവിനടുത്തേക്ക് സന്ദർശന വിസയിലെത്തിയതായിരുന്നു ഇവർ.

പിതാവ്: അബൂബക്കർ, മാതാവ്: സാജിദ

നടപടിക്രമങ്ങൾ പൂർത്തിയാക്കുന്നതിനായി ജിദ്ദ കെഎംസിസി വെൽഫയർ വിഭാഗം സംഭവ സ്ഥലത്തെത്തിയിട്ടുണ്ട്.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക