കാറിൽ യുവതിക്കൊപ്പം നിർമാതാവ്; ചോദ്യം ചെയ്ത ഭാര്യയുടെ ശരീരത്തിലൂടെ കാർ കയറ്റിയിറക്കി-വീഡിയോ

മുംബൈ: ഭാര്യയെ കാറിടിപ്പിച്ചു വീഴ്ത്തിയ ബോളിവുഡ് നിർമാതാവ് കമാൽ കിഷോർ മിശ്രയ്ക്കെതിരെ കേസ്. ഒരു സ്ത്രീക്കൊപ്പം കമാൽ കാറിലിരിക്കുന്നതു കണ്ട ഭാര്യ അതു ചോദ്യം ചെയ‌്തപ്പോൾ അവരെ ഇടിച്ചുവീഴ്ത്തി കാലിലൂടെ കാർ കയറ്റുകയായിരുന്നു.

സംഭവത്തിന്റെ സിസി ടിവി ദൃശ്യങ്ങൾ പുറത്തുവന്നു. തലയ്ക്കും കൈകാലുകൾക്കും പരുക്കേറ്റ ഭാര്യയുടെ പരാതിയിലാണ് ഐപിസി 279, 337 വകുപ്പുകൾ പ്രകാരം അംബോലി പൊലീസ് കേസെടുത്തത്.