റോഡ് മുറിച്ച് കടക്കുന്നതിനിടെ വാഹനമിടിച്ച് മലയാളി പ്രവാസി മരിച്ചു
മലപ്പുറം പെരിന്തൽമണ്ണ സ്വദേശി അജ്മാനിൽ വാഹനപകടത്തിൽ മരിച്ചു. പെരിന്തൽമണ്ണ വട്ടക്കണ്ടത്തിൽ ശ്രീലേഷ് ഗോപാലൻ (51) ആണ് മരിച്ചത്. അജ്മാനിൽ റോഡ് മുറിച്ച് കടക്കുന്നതിനിടെ വാഹനമിടിച്ചാണ് മരണം. എലൈറ്റ് ഗ്രൂപ്പിൽ സെയിൽസ് എക്സിക്യൂട്ടീവായി ജോലി ചെയ്തുവരികയായിരുന്നു. അജ്മാൻ അമ്മാൻ സ്ട്രീറ്റിൽ തന്‍റെ കാർ നിർത്തിയ ശേഷം റോഡ് മുറിച്ച് കടക്കുന്നതിനിടയിലാണ് അപകടമുണ്ടായത്.
അപകടത്തിൽ ഗുരുതരമായി പരിക്കേറ്റ ശ്രീലേഷിനെ പോലീസ് അജ്മാൻ ഖലീഫ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. പരേതനായ വട്ടക്കണ്ടത്തിൽ ഗോപാലന്‍റെയും കമലത്തിന്‍റെയും മകനാണ്.
എൻ.എം.സി ഹോസ്പിറ്റൽ ഫാർമസിസ്റ്റായ ശില്പയാണ് ഭാര്യ. മകൻ: ശ്രാവൺ പഠനവുമായി ബന്ധപ്പെട്ട് യു.കെയിലും മകൾ ശ്രേയ നാട്ടിലുമാണുള്ളത്. നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
