വിദ്യാര്‍ഥിനിയോട് ലൈംഗീക അതിക്രമം; പ്യൂൺ അറസ്റ്റിൽ
മുംബൈ: വിദ്യാര്‍ഥിനിയോട് ലൈംഗീക അതിക്രമം നടത്തിയ സ്‌കൂള്‍ ജീവനക്കാരന്‍ അറസ്റ്റില്‍. 28കാരനായ പ്യൂണ്‍ ആണ് അറസ്റ്റിലായത്. മുംബൈയിലാണ് സംഭവം.
സ്‌കൂള്‍ പരിസരത്ത് വച്ചാണ് ഇയാള്‍ 15കാരിയായ പെണ്‍കുട്ടിയോട് അതിക്രമം നടത്തിയത്. കുട്ടിയുടെ സ്വഭാവത്തില്‍ മാറ്റം വന്നതിനെ തുടര്‍ന്ന് മാതാപിതാക്കള്‍ വിവരം അന്വേഷിച്ചപ്പോഴാണ് സംഭവം പുറത്തറിഞ്ഞത്.
ഇയാള്‍ പലപ്രാവശ്യം വിദ്യാര്‍ഥിനിയോട് അതിക്രമം നടത്തിയെന്നാണ് വിവരം. പാല്‍ഘഡ് ജില്ലയിലെ വിരാര്‍ മേഖലയില്‍ നിന്നുമാണ് ഇയാളെ പോലീസ് അറസ്റ്റ് ചെയ്തത്. പോക്‌സോ ഉള്‍പ്പടെയുള്ള വകുപ്പുകള്‍ ചേര്‍ത്താണ് ഇയാള്‍ക്കെതിരെ കേസ് രജിസ്റ്റര്‍ ചെയ്തിരിക്കുന്നത്.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
