ചികിത്സയിലായിരുന്ന മലയാളി പ്രവാസി ബഹറൈനിൽ നിര്യാതനായി
ബഹറൈനി. പക്ഷാഘാതത്തെത്തുടർന്ന് ചികിത്സയിലായിരുന്ന കോഴിക്കോട് സ്വദേശി നിര്യാതനായി. വടകര കോട്ടപ്പള്ളി പുതിയോട്ടിൻകാട്ടിൽ അബ്ദുൽ കരീം (51) ആണ് മരിച്ചത്.
അൽ ബസ്തകി ക്ലിയറിങ്ങ് കമ്പനിയിൽ ജീവനക്കാരനായിരുന്ന ഇദ്ദേഹത്തെ രണ്ടാഴ്ച മുമ്പാണ് സൽമാനിയ മെഡിക്കൽ കോംപ്ലക്സിൽ പ്രവേശിപ്പിച്ചത്. ബുധനാഴ്ച പുലർച്ചെയാണ് മരണം സംഭവിച്ചത്. ഭാര്യ: പി.കെ റസീന. മക്കൾ: റഫ്ന, ഫസ്ന, ഫാത്വിമ
ജാമാതാവ് നജീബ് കടമേരി. സഹോദരങ്ങൾ: ബഷീർ (ബഹ്റൈൻ), ജമീല, റംല.
മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടികൾ ആരംഭിച്ചതായി കെ.എം.സി.സി മയ്യത്ത് പരിപാലന സമിതി അറിയിച്ചു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
