ബസിൻ്റെ ഡോറിൽ തൂങ്ങി യാത്ര; റോഡിൽ തെറിച്ചുവീണ വിദ്യാർഥി രക്ഷപ്പെട്ടത് തലനാരിഴക്ക് -വിഡിയോ

ആളുകൾ തിങ്ങിനിറഞ്ഞ ബസിന്‍റെ ഡോറിൽ തൂങ്ങി യാത്രചെയ്യുന്നതിനിടെ കൈവിട്ട് റോഡിൽ തെറിച്ചുവീണ വിദ്യാർഥി അത്ഭുതകരമായി രക്ഷപ്പെട്ടു. തമിഴ്നാട്ടിലെ ചെങ്കൽപേട്ട് ജില്ലയിലെ മധുരന്തകം എന്ന സ്ഥലത്താണ് സംഭവമെന്ന് സമൂഹമാധ്യമങ്ങളിൽ വിഡിയോ പങ്കുവെച്ചവർ ചൂണ്ടിക്കാട്ടുന്നു.

തമിഴ്‌നാട്ടിലെ മധുരയിൽ സ്‌കൂൾ വിദ്യാർത്ഥി ബസിന്റെ ഡോറിൽ നിന്ന് വീണ് മരിച്ചതിന് തൊട്ടുപിന്നാലെയാണ് ഈ സംഭവം. സെയ്യൂരിൽ നിന്ന് അച്ചരപ്പാക്കത്തേക്ക് പോവുകയായിരുന്ന ബസിൽനിന്നാണ് വിദ്യാർത്ഥി പിടിവിട്ട് റോഡിലേക്ക് വീണത്.