കുവൈത്ത് എലത്തൂർ അസോസിയേഷൻ അവാർഡ് വിതരണവും അനുമോദന സമ്മേളനവും സംഘടിപ്പിക്കുന്നു
കുവൈറ്റ് എലത്തൂർ അസോസിയേഷൻ (KEA) വിദ്യാഭ്യാസ അവാർഡ് വിതരണവും അനുമോദന സമ്മേളനവും സംഘടിപ്പിക്കുന്നു.
ഈ വർഷം എസ് എസ് എൽ സി , പ്ലസ് ടു പരീക്ഷകളിൽ വിജയിച്ച കുവൈറ്റ് എലത്തൂർ അസോസിയേഷൻ അംഗങ്ങളുടെ കുട്ടികൾക്കും, എസ് എസ് എൽ സി , പ്ലസ് ടു പരീക്ഷകളിൽ ഉന്നത വിജയം നേടിയ എലത്തൂർ നിവാസികളായ കുട്ടികൾക്കും വിദ്യാഭ്യാസ അവാർഡ് നൽകി ആദരിക്കുന്നു.
ജൂലൈ 24 ഞായറാഴ്ച്ച കോഴിക്കോട് ജില്ലയിൽ എലത്തൂർ സി എം സി ഗേൾസ് ഹൈസ്‌കൂളിൽ വെച്ച് വൈകിട്ട് 4 മണി മുതൽ 7 മണി വരെയാണ് അനുമോദന ചടങ്ങ്.
അനുമോദന സമ്മേളനത്തിൽ പ്രമുഖ വ്യക്തിത്വങ്ങളും സാംസ്ക്കാരിക രാഷ്ട്രീയ നേതാക്കളും പൗര പ്രമുഖരും പങ്കെടുക്കും. പ്രമുഖ കരിയർ ട്രെയിനർ അലിഷാൻ (കരിയർ കോച്ച് ഷീൻ ഇന്റർനാഷണൽ ട്രെൻഡ് കരിയർ ട്രെയിനർ) വിദ്യാർത്ഥി വിദ്യാർഥിനികൾക്കുള്ള കരിയർ ഗൈഡൻസ് ക്ലാസ്സ് നടത്തും.
കൂടാതെ ക്ലിനിക്കൽ സൈക്കോളജിസ്റ്റ് ഡോക്ടർ ഷഫീഖ് പാലത്തായിയുടെ യുവതലമുറയെ കാർന്നു തിന്നുന്ന മയക്കു മരുന്നിനെതിരെയുള്ള ബോധവൽക്കരണ ക്ലാസ്സും ഉണ്ടായിരിക്കുന്നതാണെന്ന് സംഘാടകർ അറിയിച്ചു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
