വിമാന യാത്രക്കാർക്ക് സൈബർ വിഭാഗത്തിൻ്റെ മുന്നറിയിപ്പ്; യാത്രക്ക് മുമ്പ് ഇക്കാര്യങ്ങൾ ശ്രദ്ധിക്കുക

വിമാന യാത്രക്കാർ ബോ​ർ​ഡി​ങ്​ പാ​സി​ന്‍റെ ചി​ത്രം സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്ക​രു​തെ​ന്ന്​ ദു​ബൈ പൊ​ലീ​സ് ആവർത്തിച്ചു. യാത്രക്കാരുടെ സ്വാകര്യ വിവരങ്ങൾ വരെ തട്ടുപ്പുകാർക്ക് ഇതിലൂടെ കണ്ടെത്താനാകുമെന്നും പൊലിസ് മുന്നറിയിപ്പ് നൽകി.

പാ​സ്​​പോ​ർ​ട്ട്, തി​രി​ച്ച​റി​യ​ൽ കാ​ർ​ഡ്, ടി​ക്ക​റ്റ്, ബോ​ർ​ഡി​ങ്​ പാ​സ്​ എ​ന്നി​വ​യി​ൽ​നി​ന്ന്​ വ​ള​രെ​യ​ധി​കം വി​വ​ര​ങ്ങ​ൾ ത​ട്ടി​പ്പു​കാ​ർ​ക്ക്​ ല​ഭി​ക്കു​മെ​ന്ന്​ ദു​ബൈ പൊ​ലീ​സി​ലെ സൈ​ബ​ർ ഇ​ൻ​വെ​സ്റ്റി​ഗേ​ഷ​ൻ വി​ഭാ​ഗം ഡ​യ​റ​ക്ട​ർ കേ​ണ​ൽ സ​ഈ​ദ്​ അ​ൽ ഹ​ജ്​​രി  പറഞ്ഞു.

ഓരോ ദിവസവും നൂറ് മുതൽ ഇരുനൂറ് കേസുകൾവരെ സ​മൂ​ഹ മാ​ധ്യ​മ​ങ്ങ​ൾ വ​ഴി​യു​ള്ള ത​ട്ടി​പ്പും ഹാ​ക്കി​ങ്​ ശ്ര​മ​ങ്ങ​ളു​മാ​യി ബ​ന്ധ​പ്പെ​ട്ട് പൊലീസിന് ലഭിക്കുന്നുണ്ട്. സൈ​ബ​ർ കു​റ്റ​കൃ​ത്യ​ങ്ങ​ൾ സം​ബ​ന്ധി​ച്ച്​ പൊ​തു​ജ​ന​ങ്ങ​ൾ​ക്ക് ദു​ബൈ പൊ​ലീ​സി​ന്‍റെ ഇ-​ക്രൈം പ്ലാ​റ്റ്​​ഫോ​മിൽ​ www.ecrime.ae പരാതിപ്പെടാവുന്നതാണ്.

പാ​സ്​​പോ​ർ​ട്ട്, തി​രി​ച്ച​റി​യ​ൽ കാ​ർ​ഡ്, ടി​ക്ക​റ്റ്, ബോ​ർ​ഡി​ങ്​ പാ​സ്​ എ​ന്നി​വ​യി​ൽ​നി​ന്ന് യാത്രക്കാരുടെ ബാ​ങ്ക്​ അ​ക്കൗ​ണ്ട്​ വി​വ​ര​ങ്ങ​ൾ വ​രെ ക​ണ്ടെ​ത്താ​നു​ള്ള സൂ​ച​ന​ക​ൾ തട്ടിപ്പുകാർക്ക് കണ്ടെത്താനായേക്കും. ഏ​തെ​ങ്കി​ലും എ​ജ​ൻ​സി​യു​ടെ നി​യ​മ​പ​ര​മാ​യ അ​ല്ലെ​ങ്കി​ൽ സാ​മ്പ​ത്തി​ക​പ​ര​മാ​യ ഇ​ട​പാ​ടു​ക​ളി​ലേ​ക്ക്​ അ​നു​മ​തി ല​ഭി​ക്കാ​ൻ ഈ ​വി​വ​ര​ങ്ങ​ൾ മാ​ത്രം മ​തി​യാ​കും. നി​ങ്ങ​ളു​മാ​യി ബ​ന്ധ​പ്പെ​ട്ട ഇ​ത്ത​രം ഇ​ട​പാ​ടു​ക​ൾ ത​ട്ടി​പ്പു​കാ​ർ​ക്ക്​ ത​ട്ടി​പ്പ് ന​ട​ത്താ​ൻ എ​ളു​പ്പ​വ​ഴി ഒ​രു​ക്കി​ക്കൊ​ടു​ക്കും. നി​ര​ന്ത​രം ചി​ത്ര​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്കു​ന്ന​ത്​ പ്ര​ശ്ന​ങ്ങ​ൾ ക്ഷ​ണി​ച്ചു​വ​രു​ത്തു​മെ​ന്നും കേ​ണ​ൽ സ​ഈ​ദ്​ അ​ൽ ഹ​ജ്​​രി ചൂ​ണ്ടി​ക്കാ​ട്ടി. ഈ ​ചി​ത്ര​ങ്ങ​ളി​ൽ​നി​ന്ന്​ ഫേ​സ്​ ഐ.​ഡി ഉ​ണ്ടാ​ക്കാ​ൻ സാ​ധി​ക്കു​ന്ന ആ​പ്പു​ക​ൾ ല​ഭ്യ​മാ​ണ്. അ​ന്താ​രാ​ഷ്​​ട്ര ഓ​ൺ​ലൈ​ൻ കു​റ്റ​വാ​ളി​ക​ൾ ഇ​ത്​ ദു​രു​പ​യോ​ഗം ചെ​യ്യാ​നുള്ള സാധ്യതയും കൂടുതലാണ്.

യാ​ത്ര​യി​ൽ പേ​ഴ്​​സ്, വാ​ച്ച്, ആ​ഭ​ര​ണ​ങ്ങ​ൾ, പാ​സ്​​പോ​ർ​ട്ട്​ തു​ട​ങ്ങി​യ​വ കൊ​ള്ള​യ​ടി​ക്ക​പ്പെ​ടാ​തെ ശ്ര​ദ്ധി​ക്കു​ക​യും വേ​ണം. ദീ​ർ​ഘ​യാ​ത്ര​ക്കാ​ണ്​ പോ​കു​ന്ന​തെ​ങ്കി​ൽ വി​ശ്വ​സ്ത​രാ​യ അ​യ​ൽ​ക്കാ​രോ​ട്​ വീ​ട്​ ​ശ്ര​ദ്ധി​ക്കാ​ൻ പ​റ​യ​ണം. ദു​ബൈ പൊ​ലീ​സി​ന്‍റെ ഭ​വ​ന സു​ര​ക്ഷ സം​വി​ധാ​നം ഉ​പ​യോ​ഗി​ക്കു​ന്ന​തും ന​ല്ല​താ​ണ്.

മി​ക​ച്ച ഓ​ഫ​റു​ക​ൾ ക​ണ്ട്​ വി​മാ​ന ടി​ക്ക​റ്റു​ക​ൾ വാ​ങ്ങു​മ്പോ​ൾ അ​ത്​ ഔ​ദ്യോ​ഗി​ക ഏ​ജ​ൻ​സി ആ​ണോ​യെ​ന്ന്​ ഉ​റ​പ്പാ​ക്ക​ണ​മെ​ന്നും കേ​ണ​ൽ സ​ഈ​ദ്​ അ​ൽ ഹ​ജ്​​രി നി​ർ​ദേ​ശി​ച്ചു. ഇ​ല്ലെ​ങ്കി​ൽ നി​യ​മ​പ​ര​മാ​യ കു​ഴ​പ്പ​ങ്ങ​ളി​ലേ​ക്ക്​ എ​ത്തി​പ്പെ​ടാ​ൻ സാ​ധ്യ​ത​യു​ണ്ട്. സ​മൂ​ഹ മാ​ധ്യ​മ​ങ്ങ​ളി​ൽ വി​മാ​ന​ടി​ക്ക​റ്റു​ക​ൾ​ക്ക്​ വ​ൻ ഡി​സ്​​കൗ​ണ്ട്​ പ്ര​ഖ്യാ​പി​ച്ച്​ പ​ര​സ്യ​ങ്ങ​ൾ വ​രാ​റു​ണ്ട്. പ​ക്ഷേ, ഇ​വ​യൊ​ന്നും ശ​രി​ക്കു​ള്ള​ത്​ ആ​ക​ണ​മെ​ന്നി​ല്ല.

അ​വ​ർ ഒ​രു​പ​ക്ഷേ, മോ​ഷ്​​ടി​ച്ച ക്രെ​ഡി​റ്റ്​ കാ​ർ​ഡു​ക​ളൊ​ക്കെ ഉ​പ​യോ​ഗി​ച്ച്​ വാ​ങ്ങി​യ ടി​ക്ക​റ്റ്​ ആ​കും അ​ത്. അ​തു​പ​യോ​ഗി​ച്ച്​ യാ​ത്ര ചെ​യ്യു​മ്പോ​ൾ പി​ടി​ക്ക​പ്പെ​ടാ​നും അ​ന്വേ​ഷ​ണ​ത്തി​ന്‍റെ പ​രി​ധി​യി​ൽ വ​രാ​നും സാ​ധ്യ​ത​യു​ണ്ടെ​ന്ന്​ അ​ദ്ദേ​ഹം മു​ന്ന​റി​യി​പ്പ്​ ന​ൽ​കി. ചി​ത്ര​ങ്ങ​ളെ​ല്ലാം യാ​ത്ര ക​ഴി​ഞ്ഞ്​ തി​രി​കെ വ​ന്ന​ശേ​ഷം സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്കു​ന്ന​താ​ണ്​ ന​ല്ല​തെ​ന്നും അ​ദ്ദേ​ഹം നി​ർ​ദേ​ശി​ച്ചു.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക