ജിദ്ദയിലെ ബലദിൽ വരാനിരിക്കുന്നത് വൻ വികസന പദ്ധതികൾ – വീഡിയോ

ജിദ്ദ: ചരിത്ര പ്രാധാന്യമേറെയുള്ള ജിദ്ദയിലെ ബലദ് നവീകരണ പദ്ധതിയായ “അൽ-ബലാദ് പ്രോജക്റ്റ്” ൻ്റെ വിശദാംശങ്ങൾ അധികൃതർ പുറത്ത് വിട്ടു. സൌദി ടെലിവിഷൻ ചാനൽ പ്രോഗ്രാമിലൂടെയാണ് ബലദിലെ വികസന പദ്ധതികളെ കുറിച്ച് ഹിസ്റ്റോറിക് ജിദ്ദ പ്രോഗ്രാം ജനറൽ സൂപ്പർവൈസർ എഞ്ചിനീയർ അഷ്റഫ് ഹസ്സൻ കാമിൽ  വിശദീകരിച്ചത്. പൈതൃക നഗരിയെന്നറിയപ്പെടുന്നതും യുനെസ്കോയിൽ ഇടംപിടിച്ചതുമായ ബലദിലെ വികസന പദ്ധതികൾ കിരീടവകാശി മുഹമ്മദ് ബിൻ സൽമാൻ ഈയിടെയാണ് പ്രഖ്യാപിച്ചത്. 

പദ്ധതി പ്രകാരം ബലദിലെ ഏറ്റവും പഴക്കമേറിയ പുരാതന പള്ളികൾ അതിൻ്റെ തനിമയോടെ പുനരുജ്ജീവിപ്പിക്കും. കൂടാതെ അറുനൂറിലധികം വരുന്ന പൈതൃക കട്ടിടങ്ങളെ സജീവമാക്കി നിലനിറുത്തും. ഏറ്റവും പ്രശസ്തമായ അഞ്ച് ചരിത്ര മാർക്കറ്റുകൾ പ്രവർത്തിപ്പിക്കുക തുടങ്ങിയവയാണ് പ്രധാന വികസന പദ്ധതികൾ.   

ചരിത്രപ്രസിദ്ധമായ ജിദ്ദയുടെ പുനരുജ്ജീവനം പ്രഖ്യാപിച്ച് കിരീടാവകാശി മുഹമ്മദ് ബിൻ സൽമാൻ രാജകുമാരൻ പ്രഖ്യാപിച്ചതിന് പിന്നാലെ ജിദ്ദ പുതിയൊരു വേദിയുടെ പടിവാതിൽക്കൽ എത്തിയതായി വിശദീകരിച്ചു.

അൽ ബലദ് പദ്ധതിയിലേക്ക് വെളിച്ചം വീശുന്നതാണ് ചാനൽ റിപ്പോർട്ട്. അൽബലാദ് മേഖലയുടെ ചരിത്രപ്രധാനമായ അടയാളങ്ങൾ ഉയർത്തിക്കാട്ടിയാണ് പദ്ധതി പ്രധാനമായും ആശ്രയിക്കുന്നതെന്ന് ഹിസ്റ്റോറിക് ജിദ്ദ പ്രോഗ്രാമിന്റെ ജനറൽ സൂപ്പർവൈസർ എഞ്ചിനീയർ അഷ്‌റഫ് ഹസൻ കമൽ പറഞ്ഞു.

രാജ്യത്തിലെ ഓരോ പ്രദേശത്തിനും അതിന്റേതായ പൈതൃകവും വ്യതിരിക്തതയും സ്വത്വവും ഉണ്ടെന്ന കിരീടാവകാശിയുടെ ഉറപ്പിന്റെ അടിസ്ഥാനത്തിൽ, ഹിജാസി പൈതൃകമുള്ള കെട്ടിടങ്ങളാണ് ചരിത്രപ്രധാനമായ ജിദ്ദയുടെ സവിശേഷതയെന്ന് അദ്ദേഹം ചൂണ്ടിക്കാട്ടി. 600-ലധികം പുരാതന കെട്ടിടങ്ങൾ, 5 ചരിത്ര മാർക്കറ്റുകൾ, 36 പുരാതന മസ്ജിദുകൾ എന്നിവ സന്ദർശകർക്കും പൊതു ജനങ്ങൾക്കും ഉപയോഗപ്പെടുത്താനാകും വിധം പ്രവർത്തിപ്പിക്കുന്നതാണ് പദ്ധതി. 

ജിദ്ദയുടെ പൈതൃക സ്ഥലങ്ങളും തനതായ സാംസ്കാരികവും നഗരപരവുമായ ഘടകങ്ങളെ ഉപയോഗപ്പെടുത്തി, സാധ്യതകളുള്ള ഒരു സുപ്രധാന ജീവിത മേഖല കെട്ടിപ്പടുക്കുന്നതിന്  ജിദ്ദയെ ഈ മേഖലയിലെ ഒരു പ്രചോദനാത്മക സ്ഥലവും രാജ്യത്തിന് ഒരു ആഗോള കേന്ദ്രവുമാക്കി മാറ്റുകയാണ് വികസന പദ്ധതയിലൂടെ ലക്ഷ്യം വെക്കുന്നത്. 

 

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക

 

വീഡിയോ കാണാം

#المشروع | "مشروع البلد" في #جدة بخطوات متسارعة لإحياء أقدم المساجد الأثرية وتفعيل أكثر من 600 مبنى تراثي وتشغيل أشهر 5 أسواق تاريخية ضمن مشاريع إبراز المعالم التاريخية. #قناة_السعودية pic.twitter.com/12TorHNKGd

— قناة السعودية (@saudiatv) May 10, 2022