വാട്ട്സാപ്പ് ഗ്രൂപ്പില്‍ ഇനി 512 പേരെ ചേര്‍ക്കാം. 2 ജി.ബി ഫയല്‍ വാട്ട്സപ്പ് വഴി അയക്കാം
വാട്ട്സാപ്പ് ഗ്രൂപ്പുകളില്‍ ചേര്‍ക്കാവുന്ന അംഗങ്ങളുടെ എണ്ണം ഇരട്ടിയായി വര്‍ധിപ്പിച്ചു. 256 പേര്‍ക്ക് മാത്രമേ ഒരു ഗ്രൂപ്പില്‍ ഇതുവരെ അംഗങ്ങള്‍ ആകാന്‍ കഴിഞ്ഞിരുന്നതെങ്കില്‍ ഇനി ഒരു ഗ്രൂപ്പില്‍ 512 പേര്‍ക്ക് വരെ അംഗങ്ങള്‍ ആകാം. താമസിയാതെ ഈ സൌകര്യം എല്ലാ ഉപയോക്താക്കള്‍ക്കും ലഭ്യമാക്കുമെന്ന് ബന്ധപ്പെട്ടവര്‍ അറിയിച്ചു. ഇന്‍സ്റ്റഗ്രാം പോലെ കൂടുതല്‍ പേര്‍ക്ക് അംഗങ്ങള്‍ ആകാവുന്ന സോഷ്യല്‍ മീഡിയ പ്ലാറ്റ്ഫോമുകളോട് മത്സരിക്കുന്നതിന്റെ ഭാഗമായാണ് പുതിയ ഫീച്ചറുകള്‍ വാട്ട്സാപ്പില്‍ ഉള്‍പ്പെടുത്തിയത്.
ഒരേസമയം 2 ജി.ബി വരെയുള്ള ഫയല്‍ ഷെയര്‍ ചെയ്യാനുള്ള സൌകര്യവും പുതുതായി വാട്ട്സാപ്പില്‍ ഉള്‍പ്പെടുത്തിയിട്ടുണ്ട്. നില്‍വില്‍ 100 എം.ബി ഫയലുകള്‍ ഷെയര്‍ ചെയ്യാനുള്ള സൌകര്യമാണ് ഉള്ളത്.
