വീടിന് തീപിടിച്ച് കുടുംബത്തിലെ നാല് പേർ വെന്ത് മരിച്ചു. ബന്ധു പോലീസ് കസ്റ്റഡിയിൽ

സൌദി അറേബ്യയിൽ വീടിന് തീപിടിച്ച് ഒരു കുടുംബത്തിലെ നാല് പേർ വെന്തുമരിച്ചു. കിഴക്കൻ പ്രവശ്യയിലെ ഖത്തീഫ് ഗവർണ്ണറേറ്റിലെ സഫ്‌വ നഗരത്തിൽ ഇന്നലെ വ്യാഴാഴ്ചയാണ് സംഭവം.  മതാവും, പിതാവും യുവാവും, യുവതിയുമടങ്ങുന്ന നാലംഗ കുടുംബമാണ് ദാരുണമായി വെന്തുമരിച്ചത്.

കുടുംബം ഒരു മുറിയിൽ കുടുങ്ങിക്കിടക്കുകയായിരുന്നു. ഇവർ കിടന്നുറങ്ങിയിരുന്ന മുറിയിലാണ് തീ പടർന്നത്. തീ പടരുന്നത് കണ്ട അയൽവാസികൾ ജനലിലൂടെ അകത്തേക്ക് കടക്കാൻ ശ്രമിച്ചെങ്കിലും, ജനലിലെ ഇരുമ്പ് കമ്പികൾ മൂലം അവരെ രക്ഷിക്കാനായില്ലെന്ന് ദൃക്‌സാക്ഷികൾ പറഞ്ഞു.

വീട്ടിലെ ഒരു മുറിയിൽ മാത്രമാണ് തീ പടർന്നത്. സംഭവത്തിൽ ദുരൂഹതയുള്ളതായി സംശയിക്കുന്നുണ്ട്. സിവിൽ ഡിഫൻസ് യൂണിറ്റുകളെത്തി തീ അണച്ച ശേഷം മൃതദേഹങ്ങൾ പുറത്തെടുത്തു. സംഭവത്തിൽ സുരക്ഷാ വിഭാഗം അന്വോഷണം ആരംഭിച്ചിട്ടുണ്ട്. ഇവർ കിടന്നുറങ്ങിയിരുന്ന മുറി ആരോ പെട്രോളൊഴിച്ച് തീ കൊടുത്തതാണെന്നാണ് പ്രാഥമിക നിഗമനം. സംഭവത്തിൽ ബന്ധുവായ ഒരാളെ പോലീസ് കസ്റ്റഡിയിലെടുത്തു.

മറ്റുവാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകുക
https://chat.whatsapp.com/DXQKEOO2hmYK5l78SOMrkd