ഇന്ത്യയിലെ ഹിജാബ് നിരോധനത്തിനെതിരെ ബഹ്റൈൻ പാർലമെൻ്റിലും പ്രതിഷേധം

മ​നാ​മ: ഇ​ന്ത്യ​യി​ലെ വിവിധ ഭാഗങ്ങളിൽ മുസ്ലിംഗൾക്കെതിരെ നടന്ന് വരുന്ന അതിക്രമങ്ങൾക്കെതിരെ ബഹ്റൈൻ പാർലമെൻ്റിൽ പ്രമേയം. കർണ്ണാടകയിൽ മുസ്ലിം വിദ്യാർത്ഥിനികൾക്ക് ഹിജാബ് വിലക്കിയതിനെതിരെ ഒരു പെണ്കുട്ടി നടത്തിയ പ്രതിഷേധത്തിൻ്റെ വീഡിയോ കഴിഞ്ഞ ദിവസം അറബ് സമൂത്തിലും സാമൂഹ്യ മാധ്യമങ്ങളിലൂടെ വ്യാപകമായി പ്രചരിച്ചിരുന്നു. കഴിഞ്ഞ ദിവസം 57 അംഗ രാജ്യങ്ങളുള്ള മുസ്ലിം രാജ്യങ്ങളുടെ കൂട്ടായ്മയായ ഒ.ഐ.സിയും ഇന്ത്യയിലെ മുസ്ലിം വിരുദ്ധ നിലപാടിനെതിരെ ഇന്ത്യയെ ആശങ്ക അറിയിച്ചിരുന്നു. കൂടാതെ അമേരിക്ക, പാക്കിസ്ഥാൻ തുടങ്ങി പല രാജ്യങ്ങളും ഇന്ത്യക്കെതിരെ രംഗത്ത് വന്നു. ഇതിന് പിറകെയാണ് ബഹ്റൈൻ പാർലമെൻ്റിലും പ്രതിഷേധമുയർന്ന്. വരും  ദിവസങ്ങളിൽ കൂടുതൽ രാജ്യങ്ങൾ ഇന്ത്യക്കെതിരെ പ്രതികരിക്കാനാണ് സാധ്യത.

മറ്റു രാജ്യങ്ങളുമായി വളരെ ഉദാരമായ സൗ​ഹൃ​ദ ബന്ധ​മാ​ണ്​ ബ​ഹ്​​റൈ​നു​ള്ള​ത്. ഇ​ന്ത്യ​യി​ലെ മു​സ്​​ലിം​ക​ൾക്ക നേരെ തുടർച്ചയായി നടന്ന് കൊണ്ടിരിക്കുന്ന വി​വി​ധ​ത​രം പീ​ഡ​ന​ങ്ങ​ളും അ​ക്ര​മ​ങ്ങ​ളും ഒ​ട്ടും ആ​ശാ​സ്യ​മ​ല്ല. ഭ​ര​ണ​കൂ​ട​ത്തിൻ്റെ മൗ​ന​സ​മ്മ​ത​ത്തോ​ടെ തീ​വ്ര വം​ശീ​യ​വാ​ദി​ക​ൾ ന​ട​ത്തി​ക്കൊ​ണ്ടി​രി​ക്കു​ന്ന ഇ​ത്ത​രം ലം​ഘ​ന​ങ്ങ​ൾ​ക്കെ​തി​രെ അ​തി​ശ​ക്​​ത​മാ​യ പ്ര​തി​ഷേ​ധ​ങ്ങ​ളും പ്ര​തി​ക​ര​ണ​ങ്ങ​ളും ലോ​ക​ത​ല​ത്തി​ൽ ഉ​യ​ർ​ന്നു​വ​രേ​ണ്ട​തു​ണ്ടെന്നും പ്രമേയം ആവശ്യപ്പെട്ടു.

ഇ​ഷ്​​ട​മു​ള്ള മ​ത​വും വേ​ഷ​വും സ്വീ​ക​രി​ക്കാ​ൻ അ​വ​കാ​ശ​വും അനുവാദവും നൽകുന്ന ജ​നാ​ധി​പ​ത്യ രാ​ജ്യ​മാണ് ഇന്ത്യ. കർണ്ണാടകയിലെ പല വിദ്യാഭ്യാസ സ്ഥാപനങ്ങളിലും​പെ​ൺ​കു​ട്ടി​ക​ൾ​ക്ക്​ ശി​രോ​വ​സ്​​ത്രം ധരിക്കാൻ അനുവാദം നൽകാത്തത് ആശങ്കാജനകമാണ്. മു​സ്ലിംഗൾക്കെതിരെ ന​ട​ന്നു​കൊ​ണ്ടി​രി​ക്കു​ന്ന ഇത്തരം അ​വ​കാ​ശ ധ്വം​സ​ന​ങ്ങ​ൾ​ക്കെ​തി​രെ മു​ന്ന​റി​യി​പ്പ്​ ന​ൽ​കു​ക​യും സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​നു​ള്ള ജാ​ഗ്ര​ത കൈ​ക്കൊ​ള്ളു​ക​യും ചെ​യ്യ​ണ​മെ​ന്ന്​ സ​ർ​ക്കാ​റി​നോ​ട്​ ആ​വ​ശ്യ​പ്പെ​ടു​ന്ന​താ​യി പാ​ർ​ല​മെൻ്റ് അംഗങ്ങളായ അ​ഹ്​​മ​ദ്​ അ​ൽ അ​ൻ​സാ​രി, അ​ബ്​​ദു​റ​സാ​ഖ്​ അ​ൽ ഖി​ത്താ​ബ്​ എ​ന്നി​വ​ർ ക​ഴി​ഞ്ഞ​ദി​വ​സം ന​ട​ന്ന പാ​ർ​ല​മെൻ്റ് സമ്മേളനത്തിൽ പ്രമേയത്തിലൂടെ ആ​വ​ശ്യ​പ്പെ​ട്ടു.