പ്രതിഷേധങ്ങൾ ഫലം കണ്ടു. കരിപ്പൂരിൽ റൺവേ നീളം കുറക്കില്ല

മലപ്പുറം: കോഴിക്കോട് വിമാനത്താവളത്തിലെ റൺവേയുടെ നീളം കുറച്ച് റിസ അഥവാ റൺവേ എൻഡ് സേഫ്റ്റി ഏരിയ വർധിപ്പിക്കാനുള്ള നടപടി റദ്ദാക്കി. വിവിധ കോണുകളിൽ നിന്നുള്ള വ്യാപക പ്രതിഷേധങ്ങൾക്ക്‌ ഒടുവിലാണ് തീരുമാനം. ഇത് സംബന്ധിച്ചുള്ള നിർദേശം വിമാനത്താവള അതോറിറ്റി ആസ്ഥാനത്തുനിന്ന് കരിപ്പൂരിൽ ലഭിച്ചു.

സു​ര​ക്ഷ വർധിപ്പിക്കാനെന്ന പേരിലായിരുന്നു റി​സയുടെ നീ​ളം വ​ർ​ധി​പ്പി​ക്കാ​ൻ തീരുമാനിച്ചിരുന്നത്. എന്നാൽ ഇതിനായി നിലവിലെ റൺവേയുടെ നീളം 2860 മീറ്ററിൽ നിന്നും 2540 മീറ്റർ ആയി കുറക്കേണ്ടി വരും. ഇതിലൂടെ റൺവേയുടെ രണ്ടറ്റങ്ങളിലും റെസ 240 മീറ്ററായി വർധിപ്പിക്കാനായിരുന്നു നീക്കം. എ​ന്നാ​ൽ, ഇത് വ​ലി​യ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​തി​ന്​ തി​രി​ച്ച​ടി​യാ​കു​മോ എ​ന്ന ആ​ശ​ങ്ക​ക്കിടവരുത്തി. ഇതിനെ തുടർന്ന് വിവിധ കോണുകളിൽ നിന്ന് ശക്തമായ പ്രതിഷേധങ്ങളുയർന്നിരുന്നു.

2860 മീ​റ്റ​റാ​ണ്​ കരിപ്പൂരിൽ റ​ൺ​വേ​യു​ടെ നീ​ളം. കൂടാതെ 90 മീറ്റർ നീളത്തിൽ റിസയും ഉണ്ട്. എന്നാൽ നേരത്തെ റി​സ 240 മീ​റ്റ​ർ വേ​ണ​മെ​ന്ന നി​ർ​ദേ​ശ​ത്തിന്റെ അ​ടി​സ്ഥാ​ന​ത്തി​ൽ റ​ൺ​വേ​യി​ൽ​നി​ന്ന്​ 150 മീ​റ്റ​ർ റി​സ​യാ​യാ​ണ്​ പ​രി​ഗ​ണി​ച്ച​ത്. എന്നാൽ ഇത് പോരെന്നും റ​ൺ​വേ​യു​ടെ ര​ണ്ട​റ്റ​ത്തും 150 മീ​റ്റ​ർ വീ​തം എ​ടു​ത്ത്​ റി​സ 240 മീ​റ്റ​റിൽ ചതുപ്പ് നിലമാക്കി മാറ്റണമെന്നുമുള്ള നിർദേശമാണ്​​ ഡ​യ​റ​ക്​​ട​റേ​റ്റ്​ ജ​ന​റ​ൽ ഓ​ഫ്​ സി​വി​ൽ ഏ​വി​യേ​ഷ​ൻ (ഡി.​ജി.​സി.​എ) നൽകിയത്. മാത്രവുമല്ല റ​ൺ​വേ നീ​ളം കു​റക്കുന്നതോടെ ര​ണ്ട്​ ഭാ​ഗ​ത്തെ​യും ഇ​ൻ​സ്​​ട്രു​മെൻറ്​ ലാ​ൻ​ഡി​ങ്​ സം​വി​ധാ​നം (​ഐ.​എ​ൽ.​എ​സ്), ലൈ​റ്റി​ങ്​ സം​വി​ധാ​നം, ടേ​ണി​ങ്​ പാ​ഡ്​ തു​ട​ങ്ങി​യ​വ​​യെ​ല്ലാം മാ​റ്റിസ്ഥാ​പി​ക്കുകയും വേണം.

റ​ൺ​വേയുടെ നീ​ളം കു​റ​ഞ്ഞാൽ, നി​ല​വി​ൽ സ​ർ​വി​സി​ന്​ ത​യാ​റാ​യ വി​മാ​ന ക​മ്പ​നി​ക​ൾപോലും സർവ്വീസ് നിർത്തിവെക്കാൻ സാധ്യതയുണ്ട്. റിസ വർധിപ്പിക്കാനാവശ്യമായ സ്ഥലം ലഭ്യമാണെന്നിരിക്കെ റ​ൺ​വേ വെ​ട്ടി​ക്കു​റ​ക്കു​ന്ന​ത്​ എ​ന്തി​നാ​ണെ​ന്ന ചോ​ദ്യ​വും ശ​ക്​​ത​മാ​യിരുന്നു.

കരിപ്പൂരിൽ വലിയ വിമാനങ്ങൾക്ക് സർവ്വീസിന് അനുമതി നൽകാത്തതിന് പിന്നിലെ പ്രധാന കാരണം നി​ല​വി​ലെ 2860 മീ​റ്റ​ർ നീ​ള​മു​ള്ള റ​ൺ​വേ പോ​രാ എ​ന്നതാണ്. ഇതിനിടെ റ​ൺ​വേ 300 മീ​റ്റ​ർ കു​റ​ച്ച്​ 2560 മീ​റ്റ​റാ​ക്കു​ന്ന​തി​നു​ള്ള ന​ട​പ​ടി​ക​ൾക്കെതിരെയായിരുന്നു പ്രതിഷേധം ശക്തമായിരുന്നത്.