തെളിവുകളോ രേഖകളോ ഇല്ല; വോട്ടര്പട്ടിക ക്രമക്കേടില് സുരേഷ് ഗോപിക്കെതിരെ കേസെടുക്കാനാവില്ലെന്ന് പോലീസ്
തൃശ്ശൂര്: ലോക്സഭാ തിരഞ്ഞെടുപ്പിലെ വോട്ടര്പട്ടിക ക്രമക്കേടില് കേന്ദ്രമന്ത്രി സുരേഷ് ഗോപിയ്ക്കെതിരെ കേസെടുക്കില്ല. കേസെടുക്കാനുള്ള തെളിവുകളോ രേഖകളോ ഇല്ലെന്ന് പോലീസ് വ്യക്തമാക്കി. തൃശ്ശൂരില് സുരേഷ് ഗോപിയും കുടുംബവും വോട്ടര്പട്ടികയില് പേരുചേര്ത്തതുമായി ബന്ധപ്പെട്ട് മുൻ എം.പി ടി.എന്. പ്രതാപനാണ് പരാതി നല്കിയത്.
കൂടാതെ, വ്യാജരേഖ ചമച്ചതായുള്ള പരാതി നല്കേണ്ടത് തിരഞ്ഞെടുപ്പ് കമ്മിഷനാണെന്നും തിരഞ്ഞെടുപ്പ് കമ്മിഷന്റെ ഭാഗത്തുനിന്ന് അത്തരത്തിലുള്ള പരാതി ലഭിക്കാത്തതിനാല് കേസെടുക്കാന് സാധിക്കില്ലെന്നും പോലീസ് വ്യക്തമാക്കി. വോട്ടര്പട്ടികയിലെ ക്രമക്കേട് സംബന്ധിച്ചുള്ള അന്വേഷമം പോലീസ് സാധ്യമല്ലെന്നും പരാതി നല്കിയ ടി.എന് പ്രതാപനെ അറിയിച്ചു.
