കരിങ്കൊടി വീശി യുവമോർച്ച പ്രവർത്തകർ, മിഠായി നീട്ടി രാഹുൽ ഗാന്ധി – വിഡിയോ
ന്യൂഡൽഹി: തനിക്ക് നേരെ കരിങ്കൊടി കാണിച്ച യുവമോർച്ച പ്രവർത്തകർക്ക് മിഠായി നൽകി ലോക്സഭ പ്രതിപക്ഷനേതാവ് രാഹുൽ ഗാന്ധി. ബിഹാറിലെ ആരായിൽ നടന്ന റാലിക്കിടയിലാണ് യുവമോർച്ച പ്രവർത്തകർ രാഹുലിനെതിരെ കരിങ്കൊടി വീശിയത്.
അതേസമയം, ആരായിൽ ‘വോട്ടർ അധികാർ യാത്ര’യുടെ ഭാഗമായി നടന്ന പൊതു റാലിയെ അഭിസംബോധന ചെയ്യവെ, വോട്ടർ പട്ടിക പുതുക്കൽ രാജ്യത്തിന്റെ ഭരണഘടനയ്ക്കും ജനാധിപത്യ വ്യവസ്ഥയ്ക്കും നേരെയുള്ള ആക്രമണമാണെന്ന് രാഹുൽ വിമർശിച്ചു. ബിജെപിയും ആർഎസ്എസും തിരഞ്ഞെടുപ്പ് കമ്മീഷനും രാജ്യത്ത് ‘വോട്ട് ചോരി’യിൽ (വോട്ട് മോഷണത്തിൽ) ഏർപ്പെടുകയാണ്. മഹാരാഷ്ട്രയിലും രാജ്യത്തിന്റെ മറ്റ് ഭാഗങ്ങളിലും വോട്ടുകൾ മോഷ്ടിക്കുന്നതിൽ എൻഡിഎ സർക്കാർ വിജയിച്ചു. എന്നാൽ ബിഹാറിൽ ഒരു വോട്ട് പോലും മോഷ്ടിക്കാൻ ബിജെപിയെയും തിരഞ്ഞെടുപ്പ് കമ്മീഷനെയും അനുവദിക്കില്ല. രാഹുൽ പറഞ്ഞു.
