ഉംറ തീർഥാടകർ ആരോഗ്യ മാനദണ്ഡങ്ങൾ പാലിക്കണം; സുപ്രധാന നിർദേശങ്ങൾ പുറത്തിറക്കി ഹജ്ജ് ഉംറ മന്ത്രാലയം
മക്ക: ഹജ്ജ്, ഉംറ തീർഥാടകർ ഇഹ്‌റാം നിയമങ്ങൾ പാലിക്കുമ്പോൾ ആരോഗ്യ സുരക്ഷാ മാനദണ്ഡങ്ങൾ പാലിക്കേണ്ടതിൻ്റെ പ്രാധാന്യം ഹജ്ജ്, ഉംറ മന്ത്രാലയം ഊന്നിപ്പറഞ്ഞു. ഹജ്ജ് തീർഥാടകർക്കും ഉംറ നിർവഹിക്കുന്നവർക്കും സുരക്ഷിതവും ആരോഗ്യകരവുമായ അനുഭവം ഉറപ്പാക്കുന്നതിനാണ് ഈ നിർദേശങ്ങൾ നൽകിയിട്ടുള്ളത്.
പ്രധാന നിർദ്ദേശങ്ങൾ:
- ലൈസൻസുള്ള സ്ഥലങ്ങളിൽ മാത്രം മുടി എടുക്കുക: ഹജ്ജ് ഉംറ കർമങ്ങൾക്ക് ശേഷം ഇഹ്റാമിൽ നിന്ന് പിരിയാൻ (തഹല്ലുൽ) തീർഥാടകർ ലൈസൻസുള്ള സ്ഥലങ്ങളിൽ നിന്ന് മാത്രം ഷേവ് ചെയ്യുകയോ മുടി മുറിക്കുകയോ ചെയ്യണം. ഇത് തീർഥാടകരുടെ ഉത്തരവാദിത്ത ബോധത്തെയും വിശുദ്ധ പള്ളിയുടെ ശുചിത്വവും പരിസ്ഥിതിയുടെ സുരക്ഷയും സംരക്ഷിക്കാനുള്ള താൽപ്പര്യത്തെയും പ്രതിഫലിപ്പിക്കുന്നുവെന്ന് മന്ത്രാലയം വ്യക്തമാക്കി.
- പ്രത്യേകമായി നിശ്ചയിച്ചിട്ടുള്ള സ്ഥലങ്ങളിൽ നിന്നല്ലാതെ ഷേവ് ചെയ്യുന്നത് ഒഴിവാക്കുക: മസ്അ, ഹറമിന്റെ ഇടനാഴികൾ, റോഡുകൾ, കുളിമുറികൾ തുടങ്ങിയ നിയുക്തമല്ലാത്ത സ്ഥലങ്ങളിൽ ഷേവ് ചെയ്യുന്നതും മുടിയെടുക്കുന്നതും കർശനമായി ഒഴിവാക്കുക. സ്ഥലത്തിൻ്റെ പവിത്രതയും പൊതു ശുചിത്വവും കാത്തു സൂക്ഷിക്കേണ്ടത് ഓരോ തീർഥാടകൻ്റെയും കടമയാണ്.
- ആരോഗ്യ നടപടിക്രമങ്ങൾ പാലിക്കുക: ഷേവ് ചെയ്യുമ്പോൾ ആരോഗ്യ നടപടിക്രമങ്ങൾ പാലിക്കുന്നത് അണുബാധയും രോഗങ്ങളും പകരുന്നത് തടയും. സുരക്ഷിതവും ആരോഗ്യകരവുമായ തീർഥാടനത്തിനായി ഓരോരുത്തരും ഈ നിർദ്ദേശങ്ങൾ പാലിക്കേണ്ടതാണ്.
തീർഥാടകരുടെ സുരക്ഷയ്ക്കും ആരോഗ്യത്തിനും മുൻഗണന നൽകിക്കൊണ്ടാണ് ഇത്തരം നിർദേശങ്ങൾ പുറത്തിറക്കുന്നത്. ഇത് എല്ലാവരും പാലിക്കാൻ തയ്യാറാകണമെന്ന് ഹജ്ജ്, ഉംറ മന്ത്രാലയം ആവശ്യപ്പെട്ടു.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
