സൗദിയിൽ ജോലിസ്ഥലത്തുണ്ടായ അപകടത്തിൽ പ്രവാസി മലയാളി മരിച്ചു
ദമ്മാം: പ്രവാസി മലയാളി സൗദിയിലെ ഖത്തീഫിൽ നിര്യാതനായി. പാലക്കാട് ചെർപ്പുളശേരി നിറപമ്പ് സ്വദേശി ആലിയത്തൊടി മൊയ്തു-ഫാത്തിമ ദമ്പതികളുടെ മകൻ കമറുദ്ദീൻ (42) ആണ് മരിച്ചത്. സഫ്‌വയിലെ ജോലിസ്ഥലത്ത് വെച്ചുണ്ടായ അപകടത്തിലാണ് മരണം. വ്യാഴാഴ്ചയാണ് അപകടമുണ്ടായത്. സംഭവ സ്ഥലത്ത് വെച്ച് തന്നെ മരിക്കുകയായിരുന്നു. കഴിഞ്ഞ 13 വർഷമായി ഖത്തീഫിലെ സ്വകാര്യ നിർമ്മാണ കമ്പനിയിലെ ജീവനക്കാരനാണ് കമറുദ്ദീൻ.
.
ഖത്തീഫ് സെൻട്രൽ ഹോസ്പിറ്റലിലാണ് മൃതദേഹം സൂക്ഷിച്ചിട്ടുള്ളത്. അൽ കോബാർ കെ.എം.സി.സി പ്രസിഡന്റ് ഇഖ്ബാൽ ആനമങ്ങാടിന്റെ നേത്യത്വത്തിൽ നിയമ നടപടിക്രമങ്ങൾ നടന്ന് വരുന്നു. നിയമനടപടികൾ പൂർത്തിയാക്കി മൃതദേഹം ദമ്മാമിൽ മറവു ചെയ്യുമെന്ന് ഖത്തീഫ് കെ.എം.സി.സി ഭാരവാഹികൾ അറിയിച്ചു.
ഫസീലയാണ് ഭാര്യ. ഫാത്തിമ മിൻഹ, ഫാത്തിമ മിസ്ന, ഹെൻസ മെഹറിഷ് എന്നിവർ മക്കളാണ്.
.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
