ചാറ്റ് ജിപിടിക്കും ഡീപ് സീക്കിനും ഇന്ത്യയിൽ ഭാഗിക നിരോധനം; ഔദ്യോഗിക ആവശ്യങ്ങൾക്ക് ഉപയോഗിക്കുന്നതിന് വിലക്ക്

ന്യൂഡൽഹി: ജനറേറ്റീവ് AI ആപ്ലിക്കേഷനുകളായ ChatGPT, ഡീപ് സീക്ക് എന്നിവ ഉപയോഗിക്കുന്നതിന് ഇന്ത്യയിൽ ഭാഗിക നിയന്ത്രണം ഏർപ്പെടുത്തി. ഔദ്യോഗിക ആവശ്യങ്ങൾക്കായി ഇവ ഉപയോഗിക്കരുതെന്ന് ഇന്ത്യൻ ധനകാര്യ മന്ത്രാലയം അറിയിച്ചു. ഈ ആപ്ലിക്കേഷനുകൾ ഉപയോഗിക്കുന്നത് വലിയ സൈബർ അപകടങ്ങൾക്ക് കാരണമാകാൻ സാധ്യതയുണ്ടെന്നാണ് മന്ത്രാലയം നൽകുന്ന വിശദീകരണം. കൂടാതെ ഇത്തരം ആപ്ലിക്കേഷനുകളിലൂടെ വിവിധ രഹസ്യ സർക്കാർ രേഖകളും ഡാറ്റയും ചോർത്തപ്പെടാൻ കാരണമാകുമെന്നും മന്ത്രാലയം വ്യക്തമാക്കി. ഇക്കാരണത്താലാണ് ഇവക്ക് നിയന്ത്രണം ഏർപ്പെടുത്തുന്നത്.
.
സർക്കാർ രേഖകളുടെയും ഡാറ്റയുടെയും രഹസ്യസ്വഭാവത്തിന് ഈ റോബോട്ടുകൾ ഉയർത്തുന്ന അപകടസാധ്യതകൾ കണക്കിലെടുത്ത്, ജനറേറ്റീവ് AI ഉപകരണങ്ങൾ ഉപയോഗിക്കുന്നത് ഒഴിവാക്കാൻ മന്ത്രാലയം ജീവനക്കാരോട് ആവശ്യപ്പെട്ടിട്ടുണ്ട്. ഇന്ത്യ സ്വന്തം അടിസ്ഥാന മാതൃക തയ്യാറാക്കിക്കൊണ്ട് ആഗോള AI മത്സരത്തിൽ പ്രവേശിക്കാനുള്ള ആഗ്രഹം വെളിപ്പെടുത്തിയതിന് പിന്നാലെയാണ് പുതിയ നിയന്ത്രണം എന്നത് ശ്രദ്ധേയമാണ്. .
.
“ഇന്ത്യയിൽ നിർമ്മിക്കുന്ന അടിസ്ഥാന മോഡലുകൾക്ക് ലോകത്തിലെ ഏറ്റവും മികച്ചവയുമായി മത്സരിക്കാൻ കഴിയുമെന്ന്  ഇന്ത്യയുടെ ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രി പറഞ്ഞു. അൽഗോരിതം കാര്യക്ഷമതയോടെ, ഞങ്ങൾക്ക് ഈ മോഡലുകൾ വളരെ കുറഞ്ഞ സമയത്തിനുള്ളിൽ നിർമ്മിക്കാൻ കഴിയുമെന്നും അദ്ദേഹം കൂട്ടിച്ചേർത്തു.
ഏതാനും മാസങ്ങൾക്കുള്ളിൽ നമുക്ക് ലോകോത്തര AI കോർ മോഡൽ ലഭിക്കുമെന്നും മന്ത്രി പ്രത്യാശ പ്രകടിപ്പിച്ചു.

ഇന്ത്യൻ സെർവറുകളിൽ ഓപ്പൺ സോഴ്‌സ് മോഡലുകൾ ഹോസ്റ്റുചെയ്യുന്നതിലൂടെ ഡീപ് സീക്കിനെ ചുറ്റിപ്പറ്റിയുള്ള ഡാറ്റ സ്വകാര്യതാ പ്രശ്നങ്ങൾ പരിഹരിക്കാനാകുമെന്നും അദ്ദേഹം ചൂണ്ടിക്കാട്ടി.
.
ഡാറ്റാ സുരക്ഷാ അപകടസാധ്യതകൾ ചൂണ്ടിക്കാട്ടി ഓസ്‌ട്രേലിയ , ഇറ്റലി തുടങ്ങിയ രാജ്യങ്ങൾ ഡീപ്‌സീക്കിന്റെ ഉപയോഗത്തിന് സമാനമായ നിയന്ത്രണങ്ങൾ ഏർപ്പെടുത്തിയിട്ടുണ്ട്. ഓപ്പൺഎഐ മേധാവി സാം ആൾട്ട്മാൻ ബുധനാഴ്ച ഇന്ത്യ സന്ദർശിക്കാനിരിക്കെയാണ് നിയന്ത്രണം പ്രഖ്യാപിച്ചത് എന്നത് ശ്രദ്ധേയമാണ്.

.

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.