പ്രണയം തകർന്നു, അയൽവാസിയെ കൊലപ്പെടുത്താൻ ഹെയർ ഡ്രൈയറിൽ ‘ബോംബ്’; പക്ഷേ പരുക്കേറ്റത് കാമുകിക്ക്!
ബെംഗളൂരു: ബെംഗളൂരു: ബാഗല്‍കോട്ടില്‍ പാഴ്സലായെത്തിയ ഹെയര്‍ ഡ്രയര്‍ പൊട്ടിത്തെറിച്ച് യുവതിയുടെ കൈവിരലുകള്‍ അറ്റ സംഭവത്തിൽ പുതിയ വിവരങ്ങൾ പുറത്ത്. ഹെയർ ഡ്രയറിൽ ഘടിപ്പിച്ച ബോംബാണ് സ്ഫോടനത്തിന് കാരണമായതെന്നാണ് ലഭിക്കുന്ന വിവരം. ഹെയർ ഡ്രയറിൽ നടത്തിയ വിശദമായ പരിശോധനയിലാണ് ഇക്കാര്യം കണ്ടെത്തിയത്. ഒരു ചെറുബോംബാണ് ഹെയർ ഡ്രയറിനുള്ളിൽ ഘടിപ്പിച്ചിരുന്നത്. നേരത്തേ പോലീസ് അന്വേഷണത്തില്‍ ഹെയര്‍ ഡ്രയറിനകത്ത് സ്ഫോടകവസ്തു ഉണ്ടായിരുന്നെന്ന് കണ്ടെത്തിയിരുന്നു.
സംഭവത്തിൽ കൊലപാതകശ്രമത്തിനു കേസെടുത്ത പൊലീസ് ക്വാറി ജീവനക്കാരനെ അറസ്റ്റ് ചെയ്തു. കൊപ്പാൾ കുസ്തഗി സ്വദേശി സിദ്ധപ്പ ശീലാവത് (35) ആണ് പിടിയിലായത്. ഇൽക്കൽ സ്വദേശി രാജേശ്വരിയുടെ (37) വിരലുകളാണ് അറ്റുപോയത്.
ഭർത്താവ് മരിച്ച രാജേശ്വരി ഒരു വർഷം മുൻപാണ് സിദ്ധപ്പയുമായി സൗഹൃദത്തിലായത്. എന്നാൽ അടുത്തയിടെ രാജേശ്വരി സിദ്ധപ്പയുമായി അകന്നു. രാജേശ്വരിയുടെ അയൽവാസിയായ ശശികലയാണ് ഇതിന് പിന്നിലെന്നു കണ്ടെത്തിയതോടെ ഇവരെ കൊലപ്പെടുത്താൻ സിദ്ധപ്പ തീരുമാനിച്ചു. ഹെയർ ഡ്രൈയറിനുള്ളിൽ ഡിറ്റനേറ്റർ സ്ഥാപിച്ച് ശശികലയുടെ വിലാസത്തിൽ പാഴ്സലായി അയച്ചു.
എന്നാൽ പാഴ്സൽ എത്തിയപ്പോൾ അയൽവാസിയായ ശശികല സ്ഥലത്തില്ലാത്തില്ലായിരുന്നു. അതിനാൽ രാജേശ്വരിതന്നെ പാഴ്സൽ ഏറ്റുവാങ്ങി. ശശികലയുടെ നിർദേശ പ്രകാരം രാജേശ്വരി പാഴ്സൽ തുറന്നു ഹെയർ ഡ്രയർ പ്രവർത്തിപ്പിക്കുന്നതിനിടെയാണ് പൊട്ടിത്തെറിച്ചത്. പൊലീസ് ശശികലയെ ചോദ്യം ചെയ്തപ്പോഴാണ് ഹെയർ ഡ്രൈയർ ഓർഡർ ചെയ്തിട്ടില്ലെന്ന് അറിയുന്നത്. തുടർന്ന് നടത്തിയ അന്വേഷണത്തിലാണ് ഒളിവിൽ പോയ സിദ്ധപ്പയെ പിടികൂടിയത്.
.
.വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
.
