റീൽസിൽ തിളങ്ങാൻ മേൽപ്പാലത്തിൽ ബൈക്ക് സ്റ്റണ്ട്; ചുട്ട മറുപടി നൽകി നാട്ടുകാർ – വീഡിയോ
ബെംഗളൂരു: സമൂഹമാധ്യമത്തിൽ തരംഗമാകാൻ ബൈക്ക് സ്റ്റണ്ട് നടത്തി റീൽസ് വിഡിയോ എടുത്ത യുവാക്കൾക്ക് ‘മറുപടി’ നൽകി നാട്ടുകാർ. ബെംഗളൂരു – തുമക്കുരു ദേശീയപാതയിലെ മേൽപ്പാലത്തിൽ വച്ച് ബൈക്ക് സ്റ്റണ്ട് നടത്തുകയും അതിന്റെ വിഡിയോ എടുക്കുകയും ചെയ്ത യുവാക്കളെയാണ് നാട്ടുകാർ പാഠം പഠിപ്പിച്ചത്. പാലത്തിന്റെ കൈവരിയിൽനിന്ന് സ്കൂട്ടർ നാട്ടുകാരുടെ നേതൃത്വത്തിൽ താഴേക്ക് എറിയുന്നതിന്റെ വിഡിയോ ഇതിനകം തന്നെ സാമൂഹിക മാധ്യമങ്ങളിൽ വൈറലായി.
.
യാത്രക്കാരുടെയും കാൽനടയാത്രക്കാരുടെയും ജീവന് ഭീഷണി ഉയർത്തിയാണ് യുവാക്കൾ ബൈക്ക് സ്റ്റണ്ട് നടത്തിയതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. ഇതിൽ കോപാകുലരായ നാട്ടുകാരാണ് മേൽപ്പാലത്തിന്റെ കൈവരിക്കു മുകളിലൂടെ സ്കൂട്ടർ താഴേക്ക് എറിഞ്ഞത്. താഴെ വീണതിന്റെ ആഘാതത്തിൽ സ്കൂട്ടറിന് കേടുപാടു സംഭവിച്ചിട്ടുണ്ട്.
.
Instant Justice – Mob throws a scooter off bridge as a boy was performing stunts in the middle of the road in Bengaluru. #viralvideo pic.twitter.com/4CsVhjT1Bm
— Bharatvanshi Ajay (@bharatvanshi_aj) August 18, 2024
.
