എയർ ഇന്ത്യ വിമാനത്തിൽ മലമൂത്ര വിസര്‍ജനം നടത്തി; യാത്രക്കാരന്‍ അറസ്റ്റില്‍

എഫ് 17 നമ്പർ സീറ്റിൽ യാത്രചെയ്തിരുന്ന ഇയാൾ വിമാനത്തിന്‍റെ തറയിൽ മൂത്രമൊഴിക്കുകയും തുപ്പുകയും ചെയ്യുന്നത് കണ്ട ക്യാബിൻ ക്രൂ ഇയാൾക്ക് താക്കീത് നൽകിയിരുന്നു. മറ്റുയാത്രക്കാരെ ഇയാളുടെ അരികിൽ നിന്ന് മാറ്റുകയും ചെയ്തിരുന്നു.

തുടർന്ന് പൈലറ്റിനെ വിവരമറിയിക്കുകയും, പൈലറ്റ് വിമാനത്തിലെ സ്ഥിതിഗതികളെക്കുറിച്ച് കമ്പനിയെ അറിയിക്കുകയും ചെയ്തു. സംഭവം മറ്റുള്ള യാത്രക്കാർക്ക് ഏറെ ബുദ്ധിമുട്ട് ഉണ്ടാക്കിയതായും അസ്വസ്ഥരാക്കിയതായും എഫ്ഐആറിൽ പറയുന്നു.