GULF SAUDI ARABIA 

സൗദിയുടെ പല ഭാഗങ്ങളിലും മഴ; മക്കയിൽ റെഡ് അലേർട്ട് പ്രഖ്യാപിച്ചു, ജിദ്ദയിലും മഴ തുടങ്ങി, അടിയന്തിര സുരക്ഷ ക്രമീകരണങ്ങൾ ശക്തമാക്കി – വീഡിയോ

News Desk

ജിദ്ദ: റിയാദ്, മക്ക, മദീന എന്നിവയുൾപ്പെടെ സൗദി അറേബ്യയുടെ വിവിധ പ്രദേശങ്ങളിൽ ഇന്ന് (വ്യാഴാഴ്ച) ഇടിമിന്നലോടുകൂടിയ കനത്ത മഴയ്ക്കും ആലിപ്പഴ വർഷത്തിനും ശക്തമായ കാറ്റിനും സാധ്യതയുണ്ടെന്ന് നാഷണൽ സെന്റർ ഓഫ് മെറ്റീരിയോളജി (NCM) മുന്നറിയിപ്പ് നൽകി.

മദീന, മക്ക, അൽ-ബഹ, അസീർ, ജസാൻ, നജ്‌റാൻ എന്നീ പ്രദേശങ്ങളിലും ഖാസിം, റിയാദ്, കിഴക്കൻ പ്രവിശ്യ എന്നിവയുടെ ചില ഭാഗങ്ങളിലും മഴ കനക്കുമെന്ന് കേന്ദ്രം അറിയിച്ചു.

മക്ക മേഖലയിൽ മഴ ശക്തമാകാനുള്ള സാധ്യതയുള്ളതിനാൽ രാത്രി 11 മണിവരെ റെഡ് അലേർട്ട് പ്രഖ്യാപിച്ചു. ജിദ്ദയുടെ വിവിധ ഭാഗങ്ങളിലും പുലർച്ചെ മുതൽ തന്നെ മഴയുണ്ട്. മക്കയിലെ മസ്ജിദുൽ ഹറമിൽ മഴ നനഞ്ഞുകൊണ്ടാണ് വിശ്വാസികൾ ഉംറ കർമങ്ങൾ ചെയ്യുന്നത്.
.


.
റമദാനിലെ അവസാന പത്ത് ദിവസങ്ങളും അവധി ദിനങ്ങളും ആരംഭിച്ചതോടെ രാജ്യത്തിനകത്തും പുറത്തും നിന്നുള്ള തീർത്ഥാടകരും സന്ദർശകരും കൂടുതലായി ഹറമിലെത്തുന്ന സന്ദർഭം കൂടിയാണിത്.

.


.

മക്ക മേഖലയിൽ കനത്ത മഴയ്ക്ക് സാധ്യതയുണ്ടെന്ന കാലാവസ്ഥാ മുന്നറിയിപ്പിനെ തുടർന്ന് സൗദി റെഡ് ക്രസന്റ് അതോറിറ്റി ജാഗ്രത ശക്തമാക്കി. കമാൻഡ് ആൻഡ് കൺട്രോൾ റൂം, മേഖലയിലെ എല്ലാ അടിയന്തര കേന്ദ്രങ്ങൾ, കനത്ത കാലാവസ്ഥ ബാധിച്ച എല്ലാ ഗവർണറേറ്റുകളിലെയും പ്രത്യേക പ്രതികരണ സംഘങ്ങൾ, വളണ്ടിയർ ആംബുലൻസ് സംഘങ്ങൾ എന്നിവ പൂർണ്ണ സജ്ജമാണെന്ന് അതോറിറ്റി അറിയിച്ചു.
.


.

മക്ക മേഖലയിലെ 99 കേന്ദ്രങ്ങളിൽ ഡോക്ടർമാർ, സ്പെഷ്യലിസ്റ്റുകൾ, എമർജൻസി മെഡിസിൻ ആംബുലൻസ് ടെക്നീഷ്യൻമാർ എന്നിവരുടെ സേവനം ഉറപ്പുവരുത്തിയിട്ടുണ്ട്. സജ്ജീകരിച്ച ആംബുലൻസുകളും ദുരന്ത-പ്രതിസന്ധി വാഹനങ്ങളും ഉൾപ്പെടെ ഏകദേശം 165 വാഹനങ്ങളാണ് പിന്തുണയ്ക്കായി രംഗത്തിറക്കിയിട്ടുള്ളത്. അൽ-ഷവാഫത്ത്, സാൻഡ്, ഹദാജ്, തുവൈഖ് ബസ്, ഉഹുദ് ബസ്, എയർ ആംബുലൻസ് എന്നിവ കൂടാതെ അത്യാധുനിക മെഡിക്കൽ, സാങ്കേതിക ഉപകരണങ്ങളോടെയുള്ള ഗ്രൗണ്ട് ആംബുലൻസ് സേവനങ്ങളും ലഭ്യമാണ്.
.

.

എല്ലാ പൗരന്മാരും താമസക്കാരും അധികാരികൾ നൽകുന്ന നിർദ്ദേശങ്ങൾ പാലിക്കണമെന്നും കാലാവസ്ഥാ വ്യതിയാനങ്ങൾ ഉണ്ടാകുമ്പോൾ ജാഗ്രത പാലിക്കണമെന്നും ഗതാഗത സുരക്ഷാ നിയമങ്ങൾ പാലിക്കണമെന്നും സൗദി റെഡ് ക്രസന്റ് അതോറിറ്റി അഭ്യർത്ഥിച്ചു.
.


.

ജിദ്ദ ഗവർണറേറ്റിന്റെ തെക്കുകിഴക്കൻ ഭാഗങ്ങളിലും രാവിലെ മുതൽ മഴ അനുഭവപ്പെടുന്നുണ്ട്. ഇന്ന് വ്യാഴാഴ്ച മിതമായതോ കനത്തതോ ആയ മഴ പ്രതീക്ഷിക്കുന്നതായി ദേശീയ കാലാവസ്ഥാ കേന്ദ്രത്തിന്റെ മുന്നറിയിപ്പുണ്ടായിരുന്നു. ഇതനുസരിച്ച് ഫീൽഡ് പ്ലാനുകൾ സജീവമാക്കിയതായി ജിദ്ദ മുനിസിപ്പാലിറ്റി അറിയിച്ചു. ജിദ്ദയിലൂടനീളം മൂടി കെട്ടിയ കാലാവസ്ഥയാണ്.
.


.

പ്രത്യേക ടീമുകളെയും ഉപകരണങ്ങളെയും വിന്യസിച്ചും, തയ്യാറെടുപ്പിന്റെ നിലവാരം ഉയർത്തിയും, ബന്ധപ്പെട്ട അധികാരികളുമായി ഏകോപിപ്പിച്ചും, ഫീൽഡ് പ്ലാനുകൾ നടപ്പിലാക്കാനും ആവശ്യമായ നടപടികൾ സ്വീകരിക്കാനും ആരംഭിച്ചതായി സെക്രട്ടേറിയറ്റ് വിശദീകരിച്ചു.
.


.


.

മഴ പെയ്യുന്ന സാഹചര്യത്തിൽ ജലാശയങ്ങളും വൈദ്യുതി സ്രോതസ്സുകളും ഉള്ള പ്രദേശങ്ങൾ ഒഴിവാക്കാനും ജാഗ്രത പാലിക്കാനും സെക്രട്ടേറിയറ്റ് ആവശ്യപ്പെട്ടു. ഏതെങ്കിലും അടിയന്തര സാഹചര്യങ്ങൾ ഉണ്ടായാൽ ഏകീകൃത റിപ്പോർട്ടിംഗ് സേവന കേന്ദ്രം (940) അല്ലെങ്കിൽ ബലഡി ആപ്പ് വഴി അറിയിക്കണമെന്നും താമസക്കാരോട് ആവശ്യപ്പെട്ടു.
.


.


.

തബൂക്ക്, അൽ-ജൗഫ്, ഹായിൽ, വടക്കൻ അതിർത്തി പ്രദേശങ്ങൾ എന്നിവിടങ്ങളിൽ പൊടിക്കാറ്റിനും സാധ്യതയുണ്ട്. ചെങ്കടലിൽ മണിക്കൂറിൽ 60 കിലോമീറ്റർ വരെ വേഗതയിൽ കാറ്റ് വീശാൻ സാധ്യതയുണ്ടെന്നും ബാബ് അൽ-മന്ദാബ് കടലിടുക്കിൽ 45 കിലോമീറ്റർ വരെ വേഗതയിൽ കാറ്റ് വീശാൻ സാധ്യതയുണ്ടെന്നും കേന്ദ്രം അറിയിച്ചു.

പൊതുജനങ്ങൾ ജാഗ്രത പാലിക്കണമെന്നും കാലാവസ്ഥാ മുന്നറിയിപ്പുകൾ ശ്രദ്ധിക്കണമെന്നും അധികൃതർ അറിയിച്ചു.

.

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക. 

Share

You May Also Like

തൊഴിൽ തട്ടിപ്പിനിരയായ അഞ്ച് ഇന്ത്യക്കാർ സൗദിയിൽ ദുരിതത്തിൽ

News Desk

വാഹനം ഓടിക്കുന്നതിനിടെ സിഗ്നലില്‍ വെച്ച് ഹൃദയാഘാതം; പ്രവാസി മലയാളി മരിച്ചു

News Desk

ഭാര്യയോടൊപ്പം സന്ദർശന വിസയിൽ മക്കളെ കാണാനെത്തി; ആദ്യ ദിവസം തന്നെ മലയാളി ഉറക്കത്തിൽ മരിച്ചു

News Desk

പ്രവാസികള്‍ക്ക് കനത്ത പ്രഹരം; നാട്ടിലേക്ക് പണമയക്കുന്നതിനുള്ള ഫീസ് 15 ശതമാനം വർധിപ്പിക്കുന്നു

News Desk

ജിദ്ദയിലെ അരാംകോയില്‍ ഹൂതി ആക്രമണം. എണ്ണ ടാങ്കിന് തീ പിടിച്ചു

malayalam

സൗദിയിൽ വ്യാപക മഴ, ജിദ്ദയിലും മക്കയിലും മദീനയിലും റോഡുകളിൽ വെള്ളം കയറി – വീഡിയോ

News Desk
error: Content is protected !!