വിവാഹത്തിനായി നാട്ടിൽ പോകാനിരുന്ന മലയാളി പ്രവാസി ഉംറക്ക് ശേഷം മക്കയിൽ നിര്യാതനായി

മക്ക: മലയാളി പ്രവാസി ഹൃദയാഘാതം മൂലം മക്കയിൽ മരിച്ചു. മലപ്പുറം എടവണ്ണപ്പാറ, ചെറിയപറമ്പ് സ്വദേശി ഒട്ടുപാറക്കൽ മുഹമ്മദ് ജുമാൻ (24) ആണ് മരിച്ചത്. ഇന്നലെ രാത്രി ഹറമിലെത്തി ഉംറ നിർവഹിച്ചിരുന്നു. ഉംറക്ക് ശേഷം വിശ്രമിക്കുന്നതിനിടെ ദേഹാസ്വസ്ഥ്യം അനുഭവപ്പെട്ടു. തുടർന്ന് ആശുപത്രിയിൽ പ്രവേശിപ്പിച്ചെങ്കിലും രാത്രിയോടെ മരണപ്പെടുകയായിരുന്നു.
.
അടുത്തിടെ നാട്ടിൽ പോയി നിക്കാഹ് കഴിഞ്ഞ് വന്നതായിരുന്നു. വിവാഹത്തിനായി രണ്ടുമാസം കൂടി കഴിഞ്ഞ് നാട്ടിൽ പോകാനായിരുന്നു തീരുമാനം. അതിനിടെയാണ് മരണം. നാലു വർഷമായി മക്കയിലെ ജബൽ ഉമറിലെ കടയിൽ ഉപ്പ അഷറഫിന്റെ കൂടെയായിരുന്നു ജോലി. നടപടികൾ പൂർത്തിയാക്കി ഇന്ന് (ബുധൻ) ളുഹുർ നമസ്ക്കാരത്തിന് ശേഷം വിശുദ്ധ ഹറമിൽ വെച്ച് മയ്യിത്ത് നിസ്ക്കരിച്ച ശേഷം മക്കയിലെ ശുഹദാഖബർസ്ഥാനിൽ ഖബടക്കുമെന്ന് സാമൂഹിക പ്രവർത്തകൻ മുജീബ് പൂക്കോട്ടൂർ അറിയിച്ചു.

മക്കയിലുള്ള ഒ.പി അഷ്റഫ് ഹാജിയാണ് പിതാവ്. മാതാവ്: സാനിറ, സഹോരൻ: ജുനൈദ്, സഹോദരിമാർ: സിയ, റിഫ, ഷിബില, ഭാര്യ : മുന്ന ഷെറിൻ

.

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.