ഗതാഗത നിയമലംഘന പിഴ: 50% ഇളവ് ഏപ്രിൽ 18-ന് അവസാനിക്കും

റിയാദ്: ഗതാഗത നിയമലംഘന പിഴകളിൽ 50% ഇളവ് ലഭിക്കുന്നതിനുള്ള സമയപരിധി 2025 ഏപ്രിൽ 18-ന് അവസാനിക്കുമെന്ന് ആഭ്യന്തര മന്ത്രാലയം അറിയിച്ചു. 2024 ഏപ്രിൽ 18-ന് മുമ്പ് രജിസ്റ്റർ ചെയ്ത എല്ലാ നിയമലംഘനങ്ങൾക്കും ഇളവ് ബാധകമാണെന്നും മന്ത്രാലയം വ്യക്തമാക്കി. ഏപ്രിൽ 18-ന് ശേഷം പിഴയടക്കുന്നവർക്ക് ഇളവ് ലഭിക്കില്ല. അതിനാൽ, നിയമലംഘകർ ഏപ്രിൽ 18 എന്ന സമയപരിധി അവസാനിക്കുന്നതിന് മുമ്പ് തന്നെ പണം അടയ്ക്കാൻ ശ്രദ്ധിക്കണമെന്ന് മന്ത്രാലയം ആവശ്യപ്പെട്ടു.

സൌദി ഭരണാധികാരികളായ സൽമാൻ രാജാവിൻ്റെയും കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരൻ്റെയും നിർദ്ദേശപ്രകാരം ഗതാഗത നിയമലംഘന പിഴകളിൽ 50 ശതമാനം ഇളവ് നൽകാനുള്ള സമയപരിധി 6 മാസത്തേക്ക് നീട്ടിയിരുന്നു. ഈ കാലാവധിയാണ് ഏപ്രിൽ 18ന് അവസാനിക്കുക.

ഗതാഗത സുരക്ഷ നിലനിർത്തുന്നതിനുള്ള ആവശ്യകതകൾ നേടിയെടുക്കുന്നതിന് എല്ലാ റോഡ് ഉപയോക്താക്കളും ഗതാഗത നിയമങ്ങൾ പാലിക്കണമെന്ന് മന്ത്രാലയം ആഹ്വാനം ചെയ്തു. 2025 ഏപ്രിൽ 18 വരെ കുറ്റവാളിക്ക് തൻ്റെ മേൽ ചുമത്തിയ എല്ലാ ഗതാഗത നിയമലംഘനങ്ങളും ഒറ്റയടിക്ക് അടയ്ക്കുകയോ അല്ലെങ്കിൽ ഓരോ ലംഘനത്തിനും പ്രത്യേകം പിഴ അടയ്ക്കുകയോ ചെയ്യുന്നതിലൂടെ പിഴയുടെ മൂല്യത്തിൽ 50% കുറവ് നേടാൻ കഴിയും. എന്നാൽ പൊതു സുരക്ഷയെ അപകടപ്പെടുത്തുന്ന ലംഘനങ്ങൾ നടത്താതിരിക്കാൻ ശ്രദ്ധിക്കണം.

ഗതാഗത നിയമലംഘന പിഴ ഇളവ് നീട്ടിയതിൻ്റെ ശേഷിക്കുന്ന കാലയളവ് പ്രയോജനപ്പെടുത്താൻ ജനറൽ ട്രാഫിക് വകുപ്പും പൗരന്മാരോടും താമസക്കാരോടും ആവശ്യപ്പെട്ടു. ഇളവ് കാലയളവ് അവസാനിച്ചാൽ, പിഴകൾ പഴയപടിയിലേക്ക് മാറുമെന്നും പിന്നീട് മുഴുവൻ തുകയും അടക്കേണ്ടി വരുമെന്നും  അധികൃതർ ചൂണ്ടിക്കാട്ടി. പിഴ അടയ്ക്കുന്നതിൽ പരാജയപ്പെടുന്ന നിയമലംഘകർക്ക് അവ ഒരു ഗഡുവായി അടയ്ക്കാം. അല്ലെങ്കിൽ ഓരോ ലംഘനവും വെവ്വേറെ അടയ്ക്കാം. ഗതാഗത നിയന്ത്രണങ്ങളും നിർദ്ദേശങ്ങളും പാലിക്കുന്നത് ഗതാഗത സുരക്ഷ നിലനിർത്തുന്നതിനുള്ള അടിത്തറയാണെന്ന് അധികൃതർ ഓർമിപ്പിച്ചു.

.

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.