ഇനി ആവശ്യാനുസരണം ബസ് യാത്ര; സൗദിയിൽ ഓൺ-ഡിമാൻഡ് ബസ് സർവീസ് ആരംഭിച്ചു
റിയാദ്: റിയാദ് നഗരത്തിൽ പൊതുഗതാഗത സൗകര്യങ്ങൾ മെച്ചപ്പെടുത്തുന്നതിൻ്റെ ഭാഗമായി ഓൺ-ഡിമാൻഡ് ബസ് സർവീസ് ആരംഭിച്ചു. യാത്രക്കാർക്ക് പുറപ്പെടൽ കേന്ദ്രങ്ങൾക്കും നിശ്ചിത മേഖലകളിലെ ഗതാഗത കേന്ദ്രങ്ങൾക്കുമിടയിൽ ആവശ്യമുള്ള സമയത്ത് യാത്ര ചെയ്യാൻ സാധിക്കുന്നതാണ് പുതിയ സംവിധാനം.
പ്രധാന വിവരങ്ങൾ:
- യാത്രക്കാർക്ക് ഡാർബ് ആപ്പ് വഴി യാത്രകൾ ബുക്ക് ചെയ്യാവുന്നതാണ്.
- ഓൺ-ഡിമാൻഡ് (ആവശ്യാനുസരണം) ബസ് ടിക്കറ്റുകൾ മാത്രമായോ, അല്ലെങ്കിൽ പൊതുഗതാഗതവും ഓൺ-ഡിമാൻഡ് ബസുകളും ഉൾപ്പെടുന്ന ഏകീകൃത ടിക്കറ്റുകളും വാങ്ങാം.
- റിയാദിൻ്റെ കിഴക്കും തെക്കും ഭാഗങ്ങളിലുള്ള 16 മേഖലകളിൽ സേവനം ലഭ്യമാണ്.
- ഓരോ ഉപയോക്താവിനും ഒരു യാത്രയിൽ ഒരു ടിക്കറ്റ് മാത്രമേ ബുക്ക് ചെയ്യാൻ കഴിയൂ.
- ഒരൊറ്റ അക്കൗണ്ടിൽ നിന്ന് നിരവധി ഉപയോക്താക്കൾക്ക് ടിക്കറ്റുകൾ ബുക്ക് ചെയ്യുന്നതിനുള്ള സൗകര്യം ഉടൻ ലഭ്യമാക്കും.
ഈ സേവനം റിയാദിലെ പൊതുഗതാഗത സൗകര്യങ്ങളിൽ ഒരു വലിയ മാറ്റമാണ് പുതിയ സേവനത്തിലൂടെ വരാൻ പോകുന്നത്. റിയാദിന്റെ കിഴക്കും തെക്കും ഭാഗങ്ങളിലുള്ള ഗർനാത്ത, അൽ അഖീഖ്, അൽ മൽക്ക, ഹാത്തീൻ, യർമൂക്ക്, ഇഷ്ബിലിയ, കോർഡോബ, അൽ വാദി, അൽ ഫലാഹ്, അൽ നദ, അൽ ഉറൈജ അൽ ഗർബി, തുവൈഖ്, അൽ ഖലീജ്, അൻഡലൂഷ്യ, അൽ നഹ്ദ, അൽ അസീസിയ എന്നീ മേഖലകളിൽ സേവനം ലഭ്യമാകും. ഇത് യാത്രക്കാർക്ക് കൂടുതൽ സൗകര്യപ്രദവും എളുപ്പവുമായ യാത്രാനുഭവം നൽകുമെന്നാണ് പ്രതീക്ഷ.
.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
