ഇന്ന് നാട്ടിലേക്ക് മടങ്ങാനിരിക്കെ, മലയാളി ഉംറ തീർഥാടകൻ മദീനയിൽ മരിച്ചു

മദീന: മലയാളി ഉംറ തീർഥാടകൻ ഇന്ന് രാവിലെ മദീനയിൽ നിര്യാതനായി. തൃശൂർ അഷ്ടമിച്ചിറ സ്വദേശി തനതുപറമ്പിൽ അബ്ദുൽ ജബ്ബാർ (70) ആണ് മരിച്ചത്. സ്വകാര്യ ഗ്രൂപ്പിൽ ഭാര്യ, മകൾ, സഹോദരൻ എന്നിവരോടൊപ്പം ഉംറക്കെത്തിയതായിരുന്നു ഇദ്ദേഹം. മക്കയിൽ നിന്നും ഉംറ കർമങ്ങൾ പൂർത്തിയാക്കിയ ശേഷം മദീന സന്ദർശനത്തിനെത്തിയതായിരുന്നു. മദീനയിലെ താമസ സ്ഥലത്ത് വെച്ച് ദേഹാസ്വസ്ഥ്യം അനുഭവപ്പെട്ടു. തുടർന്ന് അടുത്തുള്ള അൽസലാം ആശുപത്രിയിൽ എത്തിച്ചെങ്കിലും മരിച്ചിരുന്നു. ഇന്ന് നാട്ടിലേക്ക് മടങ്ങാനിരിക്കെയാണ് മരണം.
.
ഭാര്യ: സബിത. മക്കൾ: ജാസ്മിൻ, തഹ്‌സിൻ. സഹോദരങ്ങൾ: ലത്തീഫ്, അലി (ലണ്ടൻ), ഖദീജ, പരേതരായ ഹൈദ്രോസ്, ഖാദർ, അബ്ദുറഹ്മാൻ, അസീസ്. മദീന കിങ് ഫഹദ് ആശുപത്രി മോർച്ചറിയിലുള്ള മൃതദേഹം നടപടിക്രമങ്ങൾ പൂർത്തിയാക്കി ജന്നത്തുൽ ബഖീഹ് മഖ്ബറയിൽ ഖബറടക്കുമെന്ന് സഹോദര പുത്രൻ നസീഫും മദീന പ്രവാസി വെൽഫെയർ വിങ് പ്രവർത്തകരും അറിയിച്ചു.

.

.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.