ബലാത്സംഗക്കേസിൽപ്പെട്ടു, ബുൾഡോസർകൊണ്ട് വീട് പൊളിച്ചു; 4 വർഷത്തിന് ശേഷം 58- കാരനെ കുറ്റവിമുക്തനാക്കി

കഠിനാധ്വാനത്തിലൂടെ ഉണ്ടാക്കിയെടുത്ത വീടായിരുന്നു അത്. 4000 ചതുരശ്ര അടി ഉണ്ടായിരുന്നു. എന്റെ വീട് ഉണ്ടായിരുന്ന ആ ഇടത്ത് ഇപ്പോൾ വെറും തരിശായ നിലം മാത്രമാണ്. ഇപ്പോൾ ഞങ്ങൾ താമസിക്കുന്നത് സഹോദരന്റെ വീട്ടിലാണ് – അൻസാരി പറഞ്ഞു.
.
അനധികൃത കെട്ടിടമല്ലായിരുന്നു അത്. എല്ലാ രേഖകളും ഞങ്ങളുടെ കൈയിൽ ഉണ്ടായിരുന്നു. എന്നാൽ അനുമതിയില്ലാതെയാണ് കെട്ടിടം പണിതതെന്നായിരുന്നു ആരോപിക്കപ്പെട്ടത്. രേഖകൾ കാണിക്കാനുള്ള അവസരം പോലും അവർ നൽകിയില്ല, അതിനകം തന്നെ എല്ലാം തകർത്ത് തരിപ്പണമാക്കി. ഏഴംഗ കുടുംബമാണ് എന്റേത്. എല്ലാവരും ഒരുപാട് അനുഭവിച്ചു. മൂന്ന് മാസത്തോളം ഞാൻ ജയിലിൽ കഴിഞ്ഞു. ബുൾഡോസറുമായി ഭരണകൂട ഉദ്യോഗസ്ഥർ രാവിലെ 7 മണിക്കായിരുന്നു എത്തിയത്. എന്താണ് സംഭവിക്കുന്നതെന്നറിയും മുമ്പേ എന്റെ വീട് തകർന്നിരുന്നു. ആ സമയത്ത് ഞാൻ ഒളിവിലായിരുന്നു, അടുത്ത ദിവസം തന്നെ ഞാൻ കീഴടങ്ങി – അദ്ദേഹം കൂട്ടിച്ചേർത്തു.

ഈ ഫെബ്രുവരി 14-നായിരുന്നു കേസിൽ വിധി വന്നത്. രാജ്ഗഢ് ജില്ലയിലെ ഒന്നാം അഡീഷണൽ സെഷൻസ് ജഡ്ജി ചിത്രേന്ദ്ര സിംഗ് സോളങ്കിയാണ് അൻസാരി കുറ്റക്കാരനല്ലെന്ന് വിധിച്ചത്. പരാതിക്കാരിയായ സ്ത്രീയുടേയും ഭർത്താവിന്റെയും മൊഴികളിൽ പൊരുത്തക്കേടുണ്ടെന്നാണ് കോടതി ചൂണ്ടിക്കാട്ടിയത്. പരാതിക്കാരിയുടെ സാമ്പിളുകളിൽ മനുഷ്യ ബീജം കണ്ടെത്തിയിട്ടില്ലെന്നും കോടതി ചൂണ്ടിക്കാട്ടി. ശാസ്ത്രീയ തെളിവുകൾപ്രകാരം ബലാത്സംഗം സ്ഥിരീകരിക്കാൻ സാധിച്ചിട്ടില്ലെന്നും ഉത്തരവിൽ പറയുന്നു.
.
തന്റെ വീട് പൊളിച്ചു മാറ്റിയ നടപടിക്കെതിരേ അൻസാരി കോടതിയെ സമീപിക്കാനൊരുങ്ങുകയാണെന്ന് ടൈംസ് ഓഫ് ഇന്ത്യ റിപ്പോർട്ടിൽ പറയുന്നു.

.

.

വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.