‘ദൃശ്യം’ മോഡൽ കൊലപാതകം; യുവതിയെ കൊന്ന് കുഴിച്ചുമൂടി കോൺക്രീറ്റ് ചെയ്തു, ഫോൺ കണ്ണൂരിലേക്കുള്ള ബസിൽ ഉപേക്ഷിച്ചു

ഇടുക്കി സ്വദേശിയെ വിവാഹം ചെയ്തിരുന്ന വിജയലക്ഷ്മി പിന്നീട് ഭർത്താവുമായി പിണങ്ങി കരുനാഗപ്പള്ളിയിലെ വീട്ടിലേക്ക് താമസം മാറ്റിയിരുന്നു. ഇവർക്ക് 2 മക്കളുണ്ട്. പിന്നീടാണ്  ജയചന്ദ്രനെ പരിചയപ്പെടുന്നത്.  കരുനാഗപ്പള്ളിയിൽ മീൻപിടിത്തമായിരുന്നു  ജയചന്ദ്രന്റെ ജോലി. ഇവിടെ മത്സ്യവിൽപ്പന നടത്തുകയായിരുന്നു വിജയലക്ഷ്മി. ഓച്ചിറ ക്ഷേത്രത്തിൽ വച്ച് ഇരുവരും സ്ഥിരമായി കണ്ടിരുന്നതായും പറയുന്നു. ഇരുവരുടെയും ബന്ധം കണ്ടെത്തിയ ജയചന്ദ്രന്റെ ഭാര്യ കരുനാഗപ്പള്ളിയിലെത്തി വിജയലക്ഷ്മിയെ കണ്ടിരുന്നതായും സ്ഥിരീകരണമുണ്ട്.

കുറച്ച് ദിവസങ്ങൾക്ക് മുൻപ് വിജയലക്ഷ്മിയോട് അമ്പലപ്പുഴയിൽ എത്താൻ ജയചന്ദ്രൻ ആവശ്യപ്പെട്ടു. തുടർന്ന് ഇരുവരും അമ്പലപ്പുഴ ക്ഷേത്രത്തിൽ ദർശനം നടത്തി. പിന്നീട് ഇരുവരും ജയചന്ദ്രന്റെ വീട്ടിലെത്തി. ഈ സമയം  ജയചന്ദ്രന്റെ ഭാര്യ സുനിമോളും മകനും അവിടെ ഉണ്ടായിരുന്നില്ല. വീട്ടിൽവച്ച് വിജയലക്ഷ്മിയും ജയചന്ദ്രനും തമ്മിൽ വഴക്കിട്ടുവെന്നാണ് നിഗമനം.  വിജയലക്ഷ്മിക്ക് വന്ന ഒരു ഫോൺ കോളിന്റെ പേരിലാണ് ഇരുവരും വഴക്കിട്ടതെന്നാണ് സൂചന. തുടർന്ന് പ്ലയർ ഉപയോഗിച്ച് തലയ്ക്കടിച്ച് വിജയലക്ഷ്മിയെ കൊലപ്പെടുത്തിയെന്നും. തുടര്‍ന്ന് നിര്‍മ്മാണം നടക്കുന്ന വീട്ടില്‍ കുഴിച്ചിടുകയായിരുന്നു. കുഴിച്ചിട്ട ശേഷം കോണ്ക്രീറ്റ് ചെയ്തുവെന്നും പ്രതി പറഞ്ഞു.  മൃതദേഹം കെട്ടിവലിച്ചാണ് നിര്‍മ്മാണം നടക്കുന്ന കെട്ടിടത്തിലേക്ക് കൊണ്ടുപോയത്. അതേ സമയം വീടിന് സമീപത്തെ പറമ്പിലാണ് കുഴിച്ചിട്ടതെന്നും മൊഴിയുണ്ട്.  പരിശോധനക്കായി പൊലീസ് സംഭവസ്ഥലത്ത് എത്തിയിട്ടുണ്ട്. ആവശ്യമെങ്കിൽ തറ മാന്തി പരിശോധിക്കുമെന്നും പൊലീസ് പറഞഅഞു.