രണ്ട് ദിവസം മുമ്പ് നാട്ടിൽ നിന്നെത്തിയ മലയാളി വിദ്യാർഥി സുഹൃത്തിനെ കണ്ട് മടങ്ങവേ വാഹനപകടത്തിൽ മരിച്ചു

അബുദാബി: അബുദാബിയിൽ വാഹനാപകടത്തിൽ മലയാളി വിദ്യാർഥി മരിച്ചു. തൃശൂർ എങ്ങണ്ടിയൂർ ഏത്തായ് കിഴക്ക് ലെയ്ൻ നഗറിൽ ചക്കാമഠത്തിൽ പ്രണവ് (24) ആണ് മരിച്ചത്.
.
ഷൈജുവിന്റെയും മേനോത്തുപറമ്പിൽ ശ്രീവത്സയുടെയും മകനായ പ്രണവ് അബുദാബിയിൽ വിദ്യാർഥിയാണ്. ഞായറാഴ്ച പുലർച്ചെയാണ് സംഭവം. ദുബായിലുള്ള സുഹൃത്തിനെ കണ്ട് മടങ്ങവേ പ്രണവ് സഞ്ചരിച്ചിരുന്ന കാർ ഡിവൈഡറിൽ ഇടിച്ചാണ് അപകടം.
.
കുടുംബസമേതം അബുദാബിയിൽ താമസിക്കുന്ന പ്രണവ് അമ്മയോടൊപ്പം നാട്ടിൽ പോയി വന്നത് രണ്ടുദിവസം മുൻപാണ്. സഹോദരി: ശീതൾ. നിയമ നടപടികൾപൂർത്തിയാക്കി മൃതദേഹം നാട്ടിലേയ്ക്ക് കൊണ്ട് പോയി സംസ്‌കരിക്കും.
.