സൗദിയിലെ മദീന മേഖലയിൽ വ്യാജ കണ്ണ് ചികിത്സാ കേന്ദ്രം കണ്ടെത്തി. സുരക്ഷാ അധികാരികളുടെ സഹകരണത്തോടെ പൊതു ആരോഗ്യ വിഭാഗം നടത്തിയ പരിശോധനയിലാണ് വ്യാജ ചികിത്സ കേന്ദ്രം കണ്ടെത്തിയത്. താമസ സ്ഥലത്ത് ലൈസൻസില്ലാതെയായിരുന്നു സ്ഥാനം പ്രവർത്തിച്ചിരുന്നത്. പരിശോധനക്കുപയോഗിക്കുന്ന ഉപകരണങ്ങളും ഇവിടെ നിന്നും പിടിച്ചെടുത്തു. സ്ഥാപനം പ്രവർത്തിപ്പിച്ചിരുന്ന അറബ് പൗരത്വമുള്ള ഒരു പ്രവാസിയെ അറസ്റ്റ് ചെയ്തതായി അധികൃതർ അറിയിച്ചു.