മനുഷ്യക്കടത്തെന്ന് സംശയം; ഇന്ത്യന്‍ യാത്രക്കാരുമായി പാരിസിനു സമീപം പിടിയിലായ വിമാനത്തിന് വീണ്ടും പറക്കാന്‍ അനുമതി
ന്യൂഡല്‍ഹി: നിരവധി ഇന്ത്യന്‍ യാത്രികരുമായി പാരിസിനു സമീപം അധികൃതര്‍ പിടിച്ചെടുത്ത വിമാനം വിട്ടയയ്ക്കാന്‍ ഫ്രഞ്ച് കോടതി ഞായറാഴ്ച ഉത്തരവിട്ടു. എന്നാല്‍ വിമാനം ഇന്ത്യയിലേക്കാണോ മടങ്ങുകയെന്ന് വ്യക്തമല്ല. മനുഷ്യക്കടത്ത് സംശയിച്ചാണ് വിമാനം അധികൃതര്‍ പിടിച്ചെടുത്തത്.
നിക്കരാഗ്വേയിലേക്കു പറന്ന വിമാനത്തില്‍ ഇന്ത്യക്കാരുള്‍പ്പെടെ 303 യാത്രക്കാരാണ് ഉണ്ടായിരുന്നത്. പ്രത്യേക വിമാനത്തിലുള്ളവര്‍ മനുഷ്യക്കടത്തിന്റെ ഇരകളാണെന്ന് അജ്ഞാത കേന്ദ്രത്തില്‍നിന്നു വിവരം ലഭിച്ചതിന്റെ അടിസ്ഥാനത്തില്‍, പാരിസില്‍നിന്ന് 150 കി.മീ അകലെ കിഴക്കന്‍ ഫ്രാന്‍സിലെ വാത്രി വിമാനത്താവളത്തില്‍ വിമാനം പിടിച്ചെടുക്കുകയായിരുന്നു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ അമർത്തുക
തൊഴിൽ വാർത്തകൾക്കും മറ്റു പ്രധാന അറിയിപ്പുകൾക്കും വാട്സ് ആപ്പ് ചാനൽ പിന്തുടരാൻ ഇവിടെ അമർത്തുക
