പൊതുഗതാഗത യാത്രക്കാർക്കുള്ള നിയമങ്ങളും പിഴകളും പരിഷ്കരിച്ചു; 55 തരം നിയമലംഘനങ്ങൾക്ക് 200 മുതൽ 500 റിയാൽ വരെ പിഴ ചുമത്തും

സൗദിയിൽ പൊതുഗതാഗത സംവിധാനങ്ങൾ ഉപയോഗിക്കുന്നതിലെ നിബന്ധനകളും പിഴകളും പരിഷ്കരിച്ചു. പൊതുഗതാഗത സംവിധാനം ഉപയോഗിക്കുന്നവരുടെ എണ്ണം വർധിച്ച സാഹചര്യത്തിലാണ് പുതിയ നിയമങ്ങൾ പുറത്തിറക്കിയത്. പുതിയ നിബന്ധനകളും അവകാശങ്ങളും എന്തെല്ലാമാമെന്നും അതിന്‍റെ ലംഘനങ്ങൾക്കുള്ള പിഴ എത്രയാണെന്നും, നഷ്ടപരിഹാരം എത്രയാണെന്നും വിശദീകരിക്കുന്ന പട്ടികയാണ് ഇപ്പോൾ അധികൃതർ പുറത്തിറക്കിയിരിക്കുന്നത്. മന്ത്രിസഭ തീരുമാനത്തിന്‍റെ അടിസ്ഥാനത്തിൽ സൗദിയുടെ ഔദ്യോഗിക ഗസറ്റ് പട്ടിക പുറത്തുവിട്ടു. 55 തരം നിയമലംഘനങ്ങൾക്ക് 200 മുതൽ 500 റിയാൽ വരെയാണ് പിഴ ചുമത്തുക എന്ന് പട്ടികയിൽ പറയുന്നു.

 

പരിഷ്കരിച്ച പൊതുനിബന്ധകളും പിഴകളും ഇങ്ങനെ​:

• ദുർഗന്ധം ഉണ്ടാക്കുന്ന വസ്തുക്കൾ കെെവശം കരുതാൻ പാടില്ല. കെെവശം കരുതിയാൽ 200 റിയാൽ പിഴ ഈടാക്കേണ്ടി വരും.
• ടി​ക്ക​റ്റി​ല്ലാ​തെ യാ​ത്ര ചെയ്യാൻ പാടില്ല. പിടിക്കപ്പെട്ടാൽ ടിക്കറ്റ് നിരക്കിനൊപ്പം 200 റി​യാ​ൽ പി​ഴ അടക്കേണ്ടി വരും.
• ഇ​ന്‍റ​ർ​സി​റ്റി​യി​ൽ 13 വയസ് വരെയുള്ള കുട്ടികളെ തനിച്ച് യാത്രക്കായി അനുവദിക്കാൻ പാടില്ല
• ഇ​ൻ​ട്രാ​സി​റ്റി​യി​ൽ എ​ട്ട്​ വ​യസ് വരെയുള്ള കുട്ടികലെ തനിച്ച് യാത്രക്കായി വിടാൻ പാടില്ല.
• വളർത്തുമൃഗങ്ങളെ വാഹനങ്ങളിൽ കൊണ്ടുപോകാൻ അനുവദിക്കില്ല.
• യാ​ത്ര​ക്കി​ടെ തി​രി​ച്ച​റി​യ​ൽ കാ​ർ​ഡ് ആവശ്യപ്പെട്ടാൽ കാണിക്കണം ഇല്ലെങ്കിൽ യാത്ര വിലക്ക് പോലീസിന് കെെമാറും.
• അനാവശ്യമായി ബസിൽ നിന്നും ഇറങ്ങിയാൽ പിഴ നൽകേണ്ടി വരും
• പ​രി​ശോ​ധ​ന സ​മ​യ​ത്ത്​ ടി​ക്ക​റ്റ് കാണിക്കണം അല്ലെങ്കിൽ 200 റിയാൽ പിഴ അടക്കേണ്ടി വരും.

ഈ കാര്യങ്ങൾ അറിഞ്ഞിരിക്കു:

• സ്‌​പെ​ഷ്യ​ൽ ടി​ക്ക​റ്റു​ക​ളു​മാ​യി യാ​ത്ര ചെ​യ്യു​ന്ന​വ​ർ അതിന് അർഹരായില്ലെന്ന് തെളിഞ്ഞാൽ ടി​ക്ക​റ്റ്​ നി​ര​ക്കി​ന് പു​റ​മെ 200 റി​യാ​ൽ പിഴ നൽകേണ്ടി വരും.
• വാഹനത്തിൽ അനുവദിച്ചതിൽ കൂടുതൽ ലഗേജുകള് കയറ്റാൻ അനുവദിക്കില്ല.
• ല​ഗേ​ജു​ക​ൾ നിശ്ചയിച്ച സ്ഥലത്ത് വെച്ചില്ലെങ്കിൽ 100 റിയാൽ പിഴ ഈടാക്കും.
• സഹയാത്രികർക്ക് ബുദ്ധിമുട്ടുണ്ടാക്കുന്ന തരത്തിൽ മുഷിഞ്ഞ വസ്ത്രങ്ങൾ ധരിക്കാൻ പാടില്ല.
• വാ​ഹ​ന​ത്തി​ന്​ കേ​ടു​​വ​രു​ത്തു​ന്ന​ത് കണ്ടാൽ 500 റിയാൽ പിഴ ഈടാക്കും.
• ഭി​ന്ന​ശേ​ഷി​ക്കാ​ർ​ക്കാ​യി മാ​റ്റി​വെ​ച്ച ഇ​രി​പ്പി​ട​ത്തി​ൽ ഇ​രു​ന്നാ​ൽ 200 റി​യാ​ൽ പി​ഴ

 

ഇ​ന്‍റ​ർ​സി​റ്റി ബ​സ് നി​ബ​ന്ധ​ന​ക​ളും പി​ഴ​ക​ളും:

• അനുവദിച്ച് വാതിലുകളിലൂടെ അല്ലാതെ ഇറങ്ങുന്നതും കയറുന്നതും ഗുരുതര നിയമലംഘനമാണ്, 500 റിയാൽ പിഴ ഈടാക്കും.
• യാത്രക്കിടെ ഡ്രൈവറുടെ ശ്രദ്ധ തിരിച്ചാൽ പിഴ ഈടാക്കും. 200 റിയാൽ ആയിരിക്കും പിഴ.
• ബസിലെ നിരോധിത ഭാഗങ്ങളിൽ പ്രവേശിച്ചാൽ പിഴ ഈടാക്കും 200 റിയാൽ പിഴയായിരിക്കും അടക്കേണ്ടി വരുക.
• സ​ഹ​യാ​ത്രി​ക​ർ​ക്കോ ബ​സ്​ ജീ​വ​ന​ക്കാ​ർ​ക്കോ അ​സൗ​ക​ര്യം ഉ​ണ്ടാ​ക്കി​യാ​ൽ പിഴ ഈടാക്കും. 200 റിയാൽ ആണ് പിഴ ഈടാക്കുക. ബസിൽ സീ​റ്റി​ലി​രി​ക്കാ​തെ നി​ന്ന്​ യാ​ത്ര ചെ​യ്​​താ​ൽ 100 റി​യാ​ൽ പി​ഴ.

 

യാത്ര ചെയ്യുമ്പോൾ ശ്രദ്ധിക്കേണ്ട കാര്യങ്ങൾ:

• ബ​സി​ലോ നി​രോ​ധ​ന​മു​ള്ള മ​റ്റി​ട​ങ്ങ​ളി​ലോ വെ​ച്ച്​ പു​ക​വ​ലി​ച്ചാ​ൽ പിഴ ഈടാക്കും 200 റിയാൽ ആയിരിക്കും പിഴ ഈടാക്കേണ്ടത്.
• സീ​റ്റു​ക​ളി​ൽ കാ​ലു​ക​ൾ വെ​ച്ച്​ യാ​ത്ര ചെ​യ്​​താ​ൽ പിഴ ഈടാക്കും, 200 റിയാൽ ആണ് പിഴ ഈടാക്കുക.
• ബ​സ്​ നി​റ​യെ യാ​ത്ര​ക്കാ​രു​ണ്ടെ​ന്നു​ പ​റ​ഞ്ഞി​ട്ടും കേ​ൾ​ക്കാ​തെ ക​യ​റാ​ൻ ശ്ര​മി​ച്ചാ​ൽ പിഴ ഈടാക്കും. 100 ​​റി​യാ​ൽ ആയിരിക്കും പിഴ ഈടാക്കുന്നത്.
• നി​രോ​ധി​ത വ​സ്തു​ക്ക​ൾ കൈ​വ​ശം വെക്കാൻ പാടില്ല.
• മൂന്ന് മണിക്കൂറിൽ കൂടുതൽ ദൈർഘ്യമുള്ള ഇന്‍റർസിറ്റി ബസിന്‍റെ സർവിസ് റദ്ദാക്കുകയോ പുറപ്പെടാൻ 60 മിനിറ്റിൽ കൂടുതൽ വൈകുകയോ ചെയ്താൽ യാത്രക്കാർക്ക് സൗജന്യ ഭക്ഷണം നൽകണം.
• ബാ​ഗേ​ജു​ക​ൾ​ക്ക്​ ഭാ​ഗി​ക​മാ​യോ അ​ല്ലാ​തെ​യോ കേ​ടു​പാ​ട്​ ഉ​ണ്ടാ​വു​ക​യോ ന​ഷ്​​ട​പ്പെ​ടു​ക​യോ ചെ​യ്​​താ​ൽ കി​ലോ​ഗ്രാ​മി​ന് 75 റി​യാ​ൽ വീ​തം നഷ്ടപരിഹാരം ലഭിക്കും

 

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ അമർത്തുക

തൊഴിൽ വാർത്തകൾക്കും മറ്റു പ്രധാന അറിയിപ്പുകൾക്കും വാട്സ് ആപ്പ് ചാനൽ പിന്തുടരാൻ ഇവിടെ അമർത്തുക

 

---

 

 

 

 

 

സൗദി വിസിറ്റ് വിസ ആദ്യ തവണ മാത്രമേ ഓൺലൈനിൽ 3 മാസം പുതുക്കിക്കിട്ടൂ.. പിന്നീടങ്ങോട്ട് JORDAN ൽ പോയി വരുന്നതാ 3 മാസം കിട്ടാൻ എളുപ്പ വഴി!.. എല്ലാ തിങ്കളാഴ്‌ചയും വ്യാഴാഴ്ചയും മക്കയിൽ നിന്നും ജിദ്ദയിൽ നിന്നും BUS സർവീസ്!..

📎 സേവന വഴിയിൽ വർഷം പിന്നിട്ടു!..
📎 Free Wifi 📎 Breakfast
📎 Washroom attached BUS
ബുക്കിംഗിന് Contact ചെയ്യുക:

📞0534023599, 0538361609, 0595313544

WhatsApp Link:
https://wa.me/+966595313544
STAR TOURS, JEDDAH