അന്താരാഷ്ട്ര യാത്രക്കാർക്ക് മികച്ച അവസരം; സൗദിയ എയർലൈൻസിലും ഇത്തിഹാദിലും ടിക്കറ്റ് നിരക്കിൽ വൻ ഇളവ്

വെബ്സൈറ്റ്, സ്മാര്‍ട്ട്ഫോണ്‍ ആപ്ലിക്കേഷനുകള്‍ എന്നിവയുള്‍പ്പെടെ ഡിജിറ്റല്‍ ചാനലുകള്‍ വഴിയും സെയില്‍സ് ഓഫീസുകള്‍ വഴിയും ഓഫര്‍ പ്രയോജനപ്പെടുത്താം. യാത്രക്കാരുമായുള്ള ബന്ധം ശക്തിപ്പെടുത്തുന്നതിനുള്ള എയര്‍ലൈനിന്റെ നയങ്ങളുടെ ഭാഗമായാണ് സൗദിയ എക്‌സ്‌ക്ലൂസീവ് പ്രൊമോഷണല്‍ ഓഫര്‍ പ്രഖ്യാപിച്ചത്. ലോഗോയും ബ്രാന്‍ഡിങും ഈയിടെ സൗദിയ പരിഷ്‌കരിച്ചിരുന്നു. ലോകമെമ്പാടുമുള്ള നൂറിലധികം വിമാനത്താവളങ്ങളിലേക്ക് സൗദിയ സര്‍വീസുണ്ട്.

യുഎഇയുടെ ദേശീയ എയര്‍ലൈനായ ഇത്തിഹാദ് 20ാം വാര്‍ഷികം ആഘോഷിക്കുന്നതിന്റെ ഭാഗമായാണ് 20 ശതമാനം ഇളവ് പ്രഖ്യാപിച്ചത്. തിരഞ്ഞെടുക്കപ്പെട്ട അന്താരാഷ്ട്ര യാത്രകള്‍ക്ക് മാത്രമുള്ള ‘വൈറ്റ് ഫ്രൈഡേ’ ഓഫര്‍ ആണിത്. നവംബര്‍ 24 മുതല്‍ 27 വരെ ഈ റൂട്ടുകളില്‍ ബുക്ക് ചെയ്യുന്ന ടിക്കറ്റുകള്‍ക്കാണ് നിരക്കിളവ്. ഈ ടിക്കറ്റ് ഉപയോഗിച്ച് 2024 ജനുവരി 15 മുതല്‍ ജൂണ്‍ 12 വരെ യാത്ര ചെയ്യാം.

ഔദ്യോഗിക വെബ്സൈറ്റ്, ആപ്പ്, കോള്‍ കൗണ്ടറുകള്‍, ഇത്തിഹാദ് എയര്‍വേയ്സ് നിയമിച്ച ട്രാവല്‍ ഏജന്റുമാര്‍ എന്നിവയിലൂടെ ബുക്കിങ് നടത്താം. ദമാം, ജിദ്ദ, റിയാദ്, ബഹ്റൈന്‍, മസ്‌കറ്റ്, ദോഹ എന്നിവിടങ്ങളില്‍ നിന്നുള്ള വിമാന ടിക്കറ്റുകള്‍ 20 ശതമാനം കിഴിവോടെ ബുക്ക് ചെയ്യാം.

തിരഞ്ഞെടുത്ത ലക്ഷ്യസ്ഥാനങ്ങള്‍ ചുവടെ:-
ആംസ്റ്റര്‍ഡാം
ഏഥന്‍സ്
ബാഴ്‌സലോണ
ബെയ്ജിങ്
ബ്രസ്സല്‍സ്
കോപ്പന്‍ഹേഗന്‍
ഡബ്ലിന്‍
ഡസല്‍ഡോര്‍ഫ്
ഫ്രാങ്ക്ഫര്‍ട്ട്
ജനീവ
ഗ്വാങ്ഷൂ
ജക്കാര്‍ത്ത
ക്വാലലംപൂര്‍
ലിസ്ബണ്‍
ലണ്ടന്‍
മാഡ്രിഡ്
മാഞ്ചസ്റ്റര്‍
മിലാന്‍
മോസ്‌കോ

മ്യൂണിക്ക്
നരിത
ഒസാക്ക
പാരീസ്
റോം
ഷാങ്ഹായ്
സിംഗപ്പൂര്‍
വിയന്ന
സൂറിച്ച്

ഇത്തിഹാദ് അതിഥികള്‍ക്ക് അവരുടെ സ്റ്റോപ്പ് ഓവര്‍ സമയത്ത് അബുദാബി ഇന്റര്‍നാഷണല്‍ എയര്‍പോര്‍ട്ടിലെ ആകര്‍ഷകമായ പുതിയ ലോഞ്ചുകള്‍ സന്ദര്‍ശിക്കാവുന്നതാണ്. താമസ വിസയുള്ളവര്‍, ഫസ്റ്റ്, ബിസിനസ് ക്ലാസ്, കൂടാതെ യോഗ്യരായ ടയര്‍ സ്റ്റാറ്റസ് അതിഥികള്‍ക്കാണ് അവസരം.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ അമർത്തുക

തൊഴിൽ വാർത്തകൾക്കും മറ്റു പ്രധാന അറിയിപ്പുകൾക്കും വാട്സ് ആപ്പ് ചാനൽ പിന്തുടരാൻ ഇവിടെ അമർത്തുക