പടക്കക്കടകൾക്ക് തീപിടിച്ച് അപകടം; 11 പേർ മരിച്ചു, നിരവധി പേർക്ക് പരുക്ക് – വീഡിയോ
കർണാടകയിൽ പടക്കക്കടകൾക്കു തീപിടിച്ച് 11 പേർ മരിച്ചു. ബെംഗളൂരു അത്തിബല്ലെയിലാണ് ദാരുണ സംഭവം. വാഹനത്തിൽനിന്ന് പടക്കം ഇറക്കുന്നതിനിടെ അഞ്ച് കടകള്‍ക്ക് തീപിടിക്കുകയായിരുന്നു. സംഭവത്തിൽ നിരവധി ആളുകൾക്ക് പരുക്കേറ്റു.
പടക്കം ഇറക്കിയ വാഹനമുൾപ്പെടെ അപകടത്തിൽ കത്തിപ്പോയി. ശനിയാഴ്ച വൈകിട്ട് 4.30ഓടെയാണ് തീപിടിത്തമുണ്ടായതെന്ന് പൊലീസ് അറിയിച്ചു.
ദീപാവലി ആഘോഷത്തിന് മുന്നോടിയായി ഗോഡൗണിൽ സൂക്ഷിച്ചിരുന്ന ലക്ഷങ്ങൾ വിലമതിക്കുന്ന പടക്കങ്ങൾ തീപിടിത്തത്തിൽ പൊട്ടിത്തെറിച്ചു. കടകൾക്ക് മുന്നിൽ നിർത്തിയിട്ടിരുന്ന വാഹനങ്ങളും കത്തിനശിച്ചു. അഗ്നിശക്ഷാസേന എത്തി തീ നിയന്ത്രണ വിേധേയമാക്കി. ദേശീയപാതയോരത്താണ് അപകടമുണ്ടായത്‌. തുടർന്ന് കൂടുതൽ നാശനഷ്ടങ്ങളുണ്ടാകാതിരിക്കാൻ പോലീസ് ഗതാഗതം നിർത്തിവച്ചു.
#WATCH | Karnataka: Fire broke out at a firecracker shop in Attibele. Several fire tenders were present at the spot. Further details awaited. pic.twitter.com/HcAzWItPVZ
— ANI (@ANI) October 7, 2023
വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
